പാലക്കാട് ശ്രീകൃഷ്ണപുരം കുലിക്കിലിയാട് അയ്യപ്പന്‍കാവിലെ ക്ഷേത്രക്കുളത്തില്‍ വീണ് വയോധികന്‍ മരിച്ചു. ക്ഷേത്രത്തിനടുത്തു തന്നെ താമസിക്കുന്ന പൊരുപ്പത്ത് ശിവദാസന്‍ (60) ആണ് കുളത്തില്‍ വീണു മരിച്ചത്.

രാവിലെ ഏഴു മണിയോടെ കുളത്തില്‍ കുളിക്കാനായി പോയ ശിവദാസന്‍ ഏറെ നേരമായും തിരിച്ചു വരാത്തതിനെ തുടര്‍ന്ന് വീട്ടുകാര്‍ അന്വേഷിച്ചു പോകുകയായിരുന്നു. കുളക്കടവില്‍ നിന്ന് തോര്‍ത്തും സോപ്പും കണ്ടെടുത്തതോടെ ഫയര്‍ ഫോഴ്‌സിനെ വിവരമറിയിച്ചു. പിന്നീട് നടത്തിയ തെരച്ചിലിലാണ് കുളത്തിനടിയില്‍ നിന്ന് മൃതദേഹം കണ്ടെടുത്തത്.


നിലവില്‍ മൃതദേഹം പ്രാരംഭഘട്ട പരിശോധനയ്ക്കായി മണ്ണാര്‍ക്കാട്ടെ സ്വകാര്യ ആശുപത്രിയിലാണുള്ളത്. ഇനി മൃതദേഹം മണ്ണാര്‍ക്കാട് താലൂക്ക് ആശുപത്രിയിലേക്ക് പോസ്റ്റുമോര്‍ട്ടത്തിനായി കൊണ്ടു പോകുമെന്ന് പൊലീസ് .