കൊച്ചി വെല്ലിംഗ്ടണ്‍ ഐലന്റില്‍ ഇതരസംസ്ഥാന തൊഴിലാളി ഓട്ടോറിക്ഷയില്‍ കടത്താന്‍ ശ്രമിച്ച രണ്ടുകോടിയോളം രൂപ പിടിച്ചെടുത്തു. കള്ളപ്പണമാണോ എന്നതില്‍ പരിശോധന തുടരുകയാണ്. സംഭവത്തില്‍ ഇതരസംസ്ഥാന തൊഴിലാളിയെയും ഓട്ടോ ഡ്രൈവറെയും പൊലീസ് കസ്റ്റഡിയിലെടുത്തു. ഓട്ടോ ഡ്രൈവറായ രാജഗോപാല്‍, ബീഹാര്‍ സ്വദേശി സബീഷ് അഹമ്മദ് എന്നിവരെയാണ് പൊലീസ് കസ്റ്റഡിയിലെടുത്തത്.

കൂടുതല്‍ പരിശോധന നടത്തിയതിന് ശേഷം മാത്രമേ സംഭവത്തില്‍ വ്യക്തത വരുത്താന്‍ കഴിയൂവെന്നാണ് പൊലീസ് പറയുന്നത്. കണ്ണങ്കാട് പാലത്തിന് സമീപം നിര്‍ത്തിയിട്ടിരുന്ന ഓട്ടോയില്‍ നിന്നാണ് പണം പിടിച്ചെടുത്തത്. എറണാകുളം ബ്രോഡ്വേയിലുള്ള ഒരു സ്ഥാപന ഉടമ ഏല്‍പ്പിച്ച പണമാണിതെന്നാണ് ലഭ്യമാകുന്ന സൂചനകള്‍. വെല്ലിംഗ്ടണ്‍ ഭാഗത്ത് കാത്തുനില്‍ക്കാമെന്ന് അറിയിച്ചതിനെ തുടര്‍ന്നാണ് ഇവര്‍ പണവുമായി എത്തിയതെന്നാണ് മനസിലാക്കുന്നത്.