ചേര്‍ത്തല പൂത്തോട്ട പാലത്തിന് സമീപത്തുണ്ടായ വാഹനാപകടത്തില്‍ സ്‌കൂട്ടര്‍ യാത്രക്കാരന് ദാരുണാന്ത്യം. ചേര്‍ത്തല നെടുമ്പ്രക്കാട് സ്വദേശി രവീന്ദ്രന്‍ (68) ആണ് മരിച്ചത്. ഇന്നലെ രാത്രി എട്ടുമണിയോടെയായിരുന്നു അപകടമുണ്ടായത്. രവീന്ദ്രന്‍ സഞ്ചരിച്ചിരുന്ന സ്‌കൂട്ടര്‍ ലോറിക്കടിയില്‍പ്പെടുകയായിരുന്നു. രവീന്ദ്രന്‍ സംഭവസ്ഥലത്ത് വെച്ച് തന്നെ മരണമടഞ്ഞു.


അതേസമയം മറ്റൊരു സംഭവത്തില്‍ , പെരുമ്പാവൂരില്‍ ബൈക്കുകള്‍ കൂട്ടിയിടിച്ച് യുവാവ് മരിച്ചു. പെരുമ്പാവൂര്‍ എം സി റോഡില്‍ കീഴില്ലത്ത് വെച്ചാണ് അപകടം സംഭവിച്ചത്. മംഗലത്തു നട സ്വദേശി അഭിനവ് (19) ആണ് മരിച്ചത്. എതിര്‍ ദിശയില്‍ അമിത വേഗത്തില്‍ വന്ന ബൈക്കുകള്‍ പരസ്പരം കൂട്ടിയിടിക്കുകയായിരുന്നു.