ഗര്‍ഭിണിയെ ഭര്‍തൃഗൃഹത്തില്‍ തൂങ്ങിമരിച്ചനിലയില്‍ കണ്ടെത്തി. മാഞ്ഞൂര്‍ കണ്ടാറ്റുപാടം മുകാട്ടുപറമ്പില്‍ അഖില്‍ മാനുവലിന്റെ ഭാര്യ അമിത സണ്ണി (32) ആണ് മരിച്ചത്.

അമിത എട്ടുമാസം ഗര്‍ഭിണിയായിരുന്നു. കഴിഞ്ഞ ദിവസം രാത്രിയായിരുന്നു സംഭവം. ഈ സമയം അഖില്‍ വീട്ടിലുണ്ടായിരുന്നില്ല.ആത്മഹത്യ ചെയ്യുന്നതിന് മുമ്പ് അമിത അമ്മയെ ഫോമില്‍ വിളിച്ചിരുന്നു. താന്‍ ജീവനൊടുക്കാന്‍ പോകുകയാണെന്നും മക്കളെ നോക്കണമെന്നും പറഞ്ഞിരുന്നു. ഉടന്‍ തന്നെ അമിതയുടെ അമ്മ അഖിലിനെ ഫോണില്‍ വിളിച്ച് വിവരം പറഞ്ഞു.

വീടിന്റെ മുകള്‍ നിലയിലെ കിടപ്പുമുറിയിലെ ഫാനിലാണ് യുവതി തൂങ്ങിയത്. മുറി അകത്തുനിന്ന് പൂട്ടിയനിലയിലായിരുന്നു. വാതില്‍ ചവിട്ടിപ്പൊളിച്ചാണ് അഖില്‍ അകത്തുകടന്നതെന്നാണ് സൂചനകളുള്ളത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്.

നാല് വര്‍ഷം മുമ്പാണ് അഖിലും അമിതയും വിവാഹിതരായത്. അമിത വിദേശത്ത് നഴ്‌സായിരുന്നു. ഒരു വര്‍ഷം മുമ്പാണ് നാട്ടിലെത്തിയത്. ദമ്പതികള്‍ക്ക് രണ്ട് മക്കളുണ്ട്. സംസ്‌കാരം ഇന്ന് വൈകുന്നേരം നാലിന് കടപ്ലാമറ്റം സെന്റ് മേരീസ് പള്ളിയില്‍ നടക്കും.