സംസ്ഥാന സര്‍ക്കാരിന്റെ ഈ വര്‍ഷത്തെ വിഷുബമ്പര്‍ ഭാഗ്യക്കുറി വിപണിയില്‍ എത്തി. 12 കോടി രൂപയാണ് ഇത്തവണത്തെ വിഷു ബമ്പറിന് ഒന്നാം സമ്മാനമായി നിശ്ചയിച്ചിട്ടുള്ളത്.

ആറ് സീരിസുകളിലായി വില്‍പനയ്‌ക്കെത്തിയ വിഷു ബമ്പറിന്റെ രണ്ടാം സമ്മാനം ഒരു കോടി രൂപ വീതം ആറു സീരീസുകളിലും നല്‍കും.

മൂന്ന്, നാല് സമ്മാനങ്ങളും ഇതേ പ്രകാരം യഥാക്രമം 10 ലക്ഷം, 5 ലക്ഷം എന്ന ക്രമത്തിലും ലഭിക്കുമെന്ന് സംസ്ഥാന ഭാഗ്യക്കുറി ഡയറക്ടറേറ്റ് അറിയിച്ചു.

ടിക്കറ്റൊന്നിന് 300 രൂപ വിലയാണ് വിഷുബമ്പര്‍ ഭാഗ്യക്കുറിക്ക് നിശ്ചയിച്ചിരിക്കുന്നത്. 5000 മുതല്‍ 300 രൂപയില്‍ അവസാനിക്കുന്ന ചെറിയ സമ്മാനങ്ങളും വിഷുബമ്പറിലുണ്ട്. മേയ് 28ന് ഉച്ചയ്ക്ക് രണ്ടു മണിക്കാണ് നറുക്കെടുപ്പ് നടക്കുക.