ഇരിട്ടി-മട്ടന്നൂര്‍ റോഡില്‍ ബസും ലോറിയും കൂട്ടിയിടിച്ച് 22 പേര്‍ക്ക് പരുക്ക്
തലശ്ശേരി-മൈസൂരു അന്തര്‍സംസ്ഥാന പാതയിലെ ഇരിട്ടി-മട്ടന്നൂര്‍ റോഡില്‍ ഉളിയില്‍ പാലത്തിന് സമീപം ബസും ലോറിയും കൂട്ടിയിടിച്ചു. ബസും ലോറിയും കൂട്ടിയിടിച്ച് 22 പേര്‍ക്ക് പരുക്ക് പരിക്ക്. ഗുരുതര പരിക്കേറ്റ ബസ് ഡ്രൈവര്‍ കണ്ണൂരിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്.
ബസ് ഡ്രൈവര്‍ മടിക്കേരി സ്വദേശി യതിന്‍, ചാലോട് സ്വദേശി ബിന്ദു, നാറാത്ത് സ്വദേശി പി. അനി എന്നിവരെ കണ്ണൂര്‍ ബേബി മെമ്മോറിയല്‍ ആശുപത്രിയിലും, ആലപ്പുഴ സ്വദേശികളായ അതുല്‍, ബിന്ദു, റീത, അലന്‍, നായാട്ടുപാറ സ്വദേശികളായ മനോഹരി, രാമകൃഷ്ണന്‍, എടയന്നൂര്‍ സ്വദേശി ഉസ്മാന്‍, കണ്ണൂര്‍ സ്വദേശികളായ അബ്ദുല്‍ റസാക്ക്, ശ്രീപ്രഭ, ദീപ, ലത എന്നിവരെ കണ്ണൂരിലെ മിംസ് ആശുപത്രിയിലും പ്രവേശിപ്പിച്ചു.
ബുധനാഴ്ച രാവിലെ 7.15 ഓടെയാണ് ഉളിയില്‍ പാലത്തിന് സമീപത്തായിരുന്നു അപകടം നടന്നത്. കണ്ണൂരില്‍ നിന്ന് മടിക്കേരിയിലേക്ക് പോവുകയായിരുന്ന ക്ലാസിക് ബസും ഇരിട്ടി ഭാഗത്തുനിന്ന് മട്ടന്നൂര്‍ ഭാഗത്തേക്ക് പോവുകയായിരുന്ന നാഷനല്‍ പെര്‍മിറ്റ് ചരക്കു ലോറിയും കൂട്ടിയിടിക്കുകയായിരുന്നു.
ഇടിയുടെ ആഘാതത്തില്‍ ബസിന്റെയും ലോറിയുടെയും മുന്‍വശം തകര്‍ന്നു. കാലിനും നെഞ്ചിനും ഗുരുതര പരിക്കേറ്റ് ബസിന്റെ കാബിനുള്ളില്‍ കുടുങ്ങിപ്പോയ ഡ്രൈവറെ ഓടിക്കൂടിയ നാട്ടുകാര്‍ ചേര്‍ന്ന് ബസ് പൊളിച്ചാണ് പുറത്തെടുത്തത്.
https://www.facebook.com/Malayalivartha
