തിരുവനന്തപുരം നഗരത്തില്‍ ജലവിതരണം പുനസ്ഥാപിച്ചു....
തിരുവനന്തപുരം നഗരത്തില്‍ ജലവിതരണം പുനസ്ഥാപിച്ചു. ജലവിതരണം നിര്‍ത്തി വച്ച് നടത്തിയ അറ്റകുറ്റപ്പണികള്‍ നിശ്ചിത സമയത്തിനു മുമ്പ് പൂര്‍ത്തിയാക്കിയാണ് വാട്ടര്‍ അതോറിറ്റി ജലവിതരണം പുനരാരംഭിച്ചത്.
പറഞ്ഞിരുന്നതില്‍ നിന്നും ഏറെ സമയം മുന്നേ അരുവിക്കരയില്‍ നിന്ന് പമ്പിംഗ് പുനരാരംഭിക്കുകുയും ചെയ്തു. വെളളിയാഴ്ച രാവിലെ എട്ടു മണിയോടെ ജലവിതരണം പുനരാരംഭിക്കുമെന്നാണ് നേരത്തെ അറിയിച്ചിരുന്നത്.
അതേസമയം തിരുവനന്തപുരം നാഗര്‍കോവില്‍ റെയില്‍വേ പാത ഇരട്ടിപ്പിക്കലുമായി ബന്ധപ്പെട്ട് കരമന ശാസ്ത്രി നഗര്‍ അണ്ടര്‍പാസിന് സമീപമുള്ള ട്രാന്‍സ്മിഷന്‍ ലെയിന്‍ അലൈന്‍മെന്റ് മാറ്റുന്ന പ്രവൃത്തിയും അരുവിക്കരയില്‍ നിന്ന് ഐരാണിമുട്ടത്തേക്കു പോകുന്ന ട്രാന്‍സ്മിഷന്‍ ലെയിനിലെ പി.ടി.പി വെന്‍ഡിംഗ് പോയിന്റിനു സമീപത്തെ കേടായ ബട്ടര്‍ഫ്ളൈ വാല്‍വ് മാറ്റി സ്ളൂയിസ് വാല്‍വ് ഘടിപ്പിക്കുന്ന പ്രവൃത്തിയും പി.ടി.പി നഗറില്‍ നിന്നും നേമം വട്ടിയൂര്‍ക്കാവ് മേഖലയിലേക്കുളള ജലലഭ്യത സുഗമമാക്കുന്നതിനായി ഫ്ലോമീറ്ററും വാല്‍വും സ്ഥാപിക്കുന്നതിനുള്ള പ്രവൃത്തിയുമാണ് നടന്നുകൊണ്ടിരുന്നത്.
https://www.facebook.com/Malayalivartha
