വിഷു പ്രമാണിച്ച് ഏപ്രില്‍ മാസത്തെ സാമൂഹ്യസുരക്ഷാ പെന്‍ഷന്‍ മുന്‍കൂര്‍ അനുവദിച്ചു. സാധാരണ അതത് മാസം 25നാണ് നല്‍കാറുള്ളത്. തിങ്കളാഴ്ച മുതല്‍ വിതരണം തുടങ്ങും. വിഷുവിന് മുമ്പ് എല്ലാവര്‍ക്കും ലഭ്യമാക്കാനാണ് നിര്‍ദ്ദേശമുള്ളത്. ഇതിനായി 820 കോടി അനുവദിച്ചതായി ധനമന്ത്രി കെ.എന്‍.ബാലഗോപാല്‍ .

സാമ്പത്തിക സ്ഥിതി മെച്ചമാണെങ്കില്‍ ഈ മാസം തന്നെ ഒരു ഗഡു ക്ഷേമപെന്‍ഷന്‍ കുടിശികകൂടി വിതരണം ചെയ്യുന്നത് സര്‍ക്കാരിന്റെ പരിഗണനയിലാണ്. മൂന്നു മാസത്തെ പെന്‍ഷനാണ് കുടിശികയുള്ളത്.
അതേസമയം 26 ലക്ഷത്തോളം പേര്‍ക്ക് ബാങ്ക് അക്കൗണ്ടിലും മറ്റുള്ളവര്‍ക്ക് സഹകരണ ബാങ്കുകള്‍ വഴി വീട്ടിലും പെന്‍ഷന്‍ എത്തിക്കും.