പള്ളിപ്പുറത്ത് വാഹനാപകടത്തില്‍ രണ്ട് സ്ത്രീകള്‍ക്ക് ഗുരുതര പരിക്ക്. രണ്ട് കെഎസ്ആര്‍ടിസി ബസുകളും പാല്‍ വണ്ടിയും കൂട്ടിയിടിച്ചാണ് അപകടമുണ്ടായത്. മൂന്ന് വണ്ടികളും ഒരേ ദിശയിലായിരുന്നു. ഒന്നിനുപുറകെ ഒന്നായി വാഹനങ്ങള്‍ ഇടിക്കുകയായിരുന്നു. ആറ്റിങ്ങല്‍ ഭാഗത്തുനിന്ന് വന്ന ഫാസ്റ്റ് പാസഞ്ചര്‍ നിര്‍ത്തി ആളുകളെ ഇറക്കുന്ന സമയത്താണ് അപകടമുണ്ടായത്.

തൊട്ടുപുറകെ വന്ന മറ്റൊരു കെഎസ്ആര്‍ടിസി ബസ് ബ്രേക്ക് നഷ്ടപ്പെട്ടതിനെ തുടര്‍ന്ന് നിര്‍ത്തിയിരുന്ന ബസ്സില്‍ ഇടിക്കുകയായിരുന്നു. തൊട്ടുപിറകെ വന്ന പാല്‍ വണ്ടിയും ബസിന് പിന്നിലിടിച്ചു.

അപകടത്തില്‍ നിരവധി ബസ് യാത്രക്കാര്‍ക്ക് സാരമായി പരിക്കേറ്റിട്ടുണ്ട്. 2 കുട്ടികളടക്കം ഏഴുപേരെ മെഡിക്കല്‍ കോളേജില്‍ പ്രവേശിപ്പിച്ചു. പലര്‍ക്കും കമ്പിയില്‍ തലയിടിച്ചാണ് പരുക്ക് പറ്റിയത്.