തിരുവനന്തപുരത്ത് ബൈക്ക് അപകടത്തില്‍ ഗുരുതര പരിക്കേറ്റ് ചികിത്സയിലായിരുന്ന യുവാവ് മരിച്ചു. പേയാട് സ്വദേശിയായ ഡി.ജെ ആര്‍ട്ടിസ്റ്റ് വിവേക് റാണയാണ് (38) മരിച്ചത്.

കഴിഞ്ഞ മാസം 29ന് രാത്രി പാങ്ങോട് സൈനിക കേന്ദ്രത്തിന് സമീപത്ത് ബൈക്ക് നിയന്ത്രണം വിട്ട് മറിഞ്ഞ് വിവേകിന് ഗുരുതരമായി പരിക്കേറ്റിരുന്നു. പ്രദേശവാസികളാണ് യുവാവിനെ ആശുപത്രിയില്‍ എത്തിച്ചത്. മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെയാണ് വിവേക് മരിച്ചത്.

സംഭവത്തില്‍ പൂജപ്പുര പൊലീസ് കേസെടുത്തു. വിവേക് ഡി.ജെ ആര്‍ട്ടിസ്റ്റും കാട്ടാക്കട എ ഇ ഒ ഓഫീസിലെ ക്ലാര്‍ക്കുമാണ്. പി എസ് ലതയാണ് മാതാവ് ഭാര്യ- സുര്യ രാജ്, മക്കള്‍- താനിയ റാണ,നതാഷ റാണ.