വയോധിക ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. തൃശ്ശൂർ ബോധാനന്ദവിലാസം സ്കൂളിന് പടിഞ്ഞാറ് കൊടുവത്ത്പറമ്പിൽ പ്രഭാകരൻ (82) ഭാര്യ കുഞ്ഞിപ്പെണ്ണ്  (72)  എന്നിവരെയാണ് മരിച്ച നിലയിൽ കണ്ടെത്തിയത്.

പ്രഭാ​കരന്റെ ഭാര്യ കുഞ്ഞിപ്പെണ്ണ് ഏറെ നാളായി കിടപ്പ് രോ​ഗിയാണ്. ഇരുവരെയും വിവരങ്ങൾ അന്വേഷിക്കാൻ എത്തിയ പാലിയേറ്റീവ് പ്രവർത്തകാണ് ഇരുവരുടേയും മരണവാർത്ത ആദ്യമറിഞ്ഞത്.

മരണവാർത്ത  അറിഞ്ഞ ഉടനെ പാലിയേറ്റീവ് കെയർ പ്രവർത്തകർ പോലീസിനെ അറിയിക്കുകയായിരുന്നു. പോലീസ് സംഭവ സ്ഥലത്തെത്തി അന്വേഷണം ആരംഭിച്ചിട്ടുണ്ട്. തുടർ നടപടി എത്രയും പെട്ടന്ന് തന്നെ ഉണ്ടാകുമെന്ന് പോലീസ് അറിയിച്ചു.