കാല്‍വഴുതി പുഴയില്‍ വീണ സഹോദരിയെ രക്ഷപ്പെടുത്താന്‍ പുഴയിലേക്കുചാടിയ പെണ്‍കുട്ടി മുങ്ങി മരിച്ചു...
സങ്കടക്കാഴ്ചയായി.. കാല്‍വഴുതി പുഴയില്‍ വീണ സഹോദരിയെ രക്ഷപ്പെടുത്താന്‍ പുഴയിലേക്കുചാടിയ പെണ്‍കുട്ടി മുങ്ങി മരിച്ചു. വാഴക്കുളം മുടിക്കല്‍ മൗലൂദുപുര റോഡില്‍ പുളിക്കക്കുടി ഷാജഹാന്റെയും സൈനയുടെയും മകള്‍ ഫാത്തിമ ഷെറിനാണ് (19) മരിച്ചത്. സഹോദരി ഫര്‍ഹത്തി (15) നെ നാട്ടുകാര്‍ രക്ഷപ്പെടുത്തി.
പെരിയാറിലെ തടിഡിപ്പോ കടവില്‍ ശനിയാഴ്ച രാവിലെ 6.30 നാണ് അപകടം നടന്നത്. മുടിക്കല്‍ ഗവ. ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ രാവിലെ നടക്കാനെത്തിയ സഹോദരിമാര്‍ ഇടയ്ക്ക് സെല്‍ഫി എടുക്കുന്നതിനായി കടവിലെ പാറയില്‍ കയറിയതാണ്. ഫോട്ടോ എടുക്കുന്നതിനിടെ കാല്‍വഴുതി വീണ ഫര്‍ഹത്തിനെ രക്ഷപ്പെടുത്താനായി പുഴയിലേക്കുചാടിയ ഫാത്തിമ ഒഴുക്കില്‍പ്പെട്ടു. കടവിനുസമീപം ചൂണ്ടയിട്ടിരുന്നവരാണ് ഫര്‍ഹത്തിനെ രക്ഷപ്പെടുത്തിയത്.
പെരുമ്പാവൂര്‍ അഗ്‌നിസുരക്ഷാ നിലയം സ്റ്റേഷന്‍ ഓഫീസര്‍ ടി.കെ. സുരേഷിന്റെ നേതൃത്വത്തില്‍ കോതമംഗലത്തുനിന്നും എത്തിയ സ്‌കൂബ ടീം ഒന്നരമണിക്കൂര്‍ നടത്തിയ തിരച്ചിലിനൊടുവില്‍ അന്‍പതുമീറ്റര്‍ അകലെ മൃതദേഹം കണ്ടെത്തി.
ഫാത്തിമ പെരുമ്പാവൂര്‍ മാര്‍ത്തോമ്മാ വനിതാ കോളേജ് ബിഎ ഇംഗ്ലീഷ് രണ്ടാംവര്‍ഷ വിദ്യാര്‍ഥിനിയാണ്. ഖത്തറില്‍ ഡ്രൈവറായ പിതാവ് ഷാജഹാന്‍ അവധിക്ക് നാട്ടിലെത്തി മൂന്നുദിവസം മുന്‍പാണ് മടങ്ങിപ്പോയത്.
"
https://www.facebook.com/Malayalivartha
