അപകടം ഒഴിവായത് തലനാരിഴയ്ക്ക്.... താമരശ്ശേരി ചുരത്തില്‍ കൂറ്റന്‍ പാറ അടര്‍ന്ന് വീണ് അപകടം. ഇന്ന് രാവിലെ 11.50ഓടെയാണ് സംഭവം. താമരശ്ശേരി ചുരത്തിലെ ഒമ്പതാം വളവിന് താഴെ റോഡിന് അധികം വീതിയില്ലാത്ത ഇടുങ്ങിയ ഭാഗത്തെ കൂറ്റന്‍ പാറയാണ് അടര്‍ന്ന് റോഡിലേക്ക് വീണത്.

പാറ ഇളകി വീണതോടെ ഇതോടൊപ്പമുള്ള പാറക്ഷണങ്ങളും മണ്ണുമെല്ലാം റോഡിലേക്ക് വീണു. സംഭവത്തെ തുടര്‍ന്ന് ചുരത്തില്‍ ഭാഗികമായി ഗതാഗതം തടസപ്പെട്ടു. കൂറ്റന്‍ പാറ റോഡിലേക്ക് വീണപ്പോള്‍ ഇതുവഴി വാഹനങ്ങള്‍ കടന്നുപോകാത്തതിനാലാണ് വലിയ അപകടം തലനാരിഴക്ക് ഒഴിവായത്. നേരത്തെ പാറ തെറിച്ച് വീണ് ബൈക്ക് യാത്രികന്‍ മരിച്ചിരുന്നു.