മലയാളി വാര്ത്ത.
കെട്ടിട വാടകനിയന്ത്രണ നിയമത്തിന്റെ കരടിന് മന്ത്രിസഭയുടെ അംഗീകാരം ലഭിച്ചാലുടന് നിയമസഭയില് അവതരിപ്പിക്കുമെന്ന് മന്ത്രി കെഎം മാണി. വ്യാപാരി-വ്യവസായി സംഘടന, വാടകക്കാരുടെ സംഘടന, കെട്ടിട ഉടമകളുടെ സംഘടന എന്നിവരുമായി നടത്തിയ ചര്ച്ചയില് സമവായമുണ്ടായതിനെ തുടര്ന്നാണ് നിയമം കൊണ്ടുവരുന്നതെന്ന് മന്ത്രി കെഎം മാണി പറഞ്ഞു. കെട്ടിട ഉടമയും വാടകക്കാരനും തമ്മില് വാടകചീട്ട് നിര്ബന്ധമാക്കും. വാടകചീട്ട് നിര്ബന്ധമായും രജിസ്റ്റര് ചെയ്തിരിക്കണം. മൂന്ന് കൊല്ലത്തിലൊരിക്കല് 20% വരെ വാടക വര്ധിപ്പിക്കാം. നിലവില് വാടകചീട്ടില്ലാത്ത കെട്ടിടങ്ങള്ക്ക് ഒരു വര്ഷത്തിനകം വാടകചീട്ട് ഉണ്ടാക്കിയിരിക്കണം. കെട്ടിട ഉടമയും വാടകക്കാരനും തമ്മില് ഇക്കാര്യത്തില് സമവായം ഉണ്ടായില്ലെങ്കില് ആര്ബിട്രേഷന് കമ്മറ്റിയെ സമീപിക്കണം. ഇതു പരാജയപ്പെട്ടാല് കോടതിയെ സമീപിക്കണം. വാടകചീട്ട് രജിസ്റ്റര് ചെയ്താല് അടുത്ത പൊലീസ് സ്റ്റേഷനില് വിവരം അറിയിക്കണം.
കേരളത്തിലാദ്യമായായണ് ആശയ സമന്വയത്തോടെ ഒരു ബില് അവതരിപ്പിക്കുന്നതെന്ന് മന്ത്രി കെഎം മാണി പറഞ്ഞു. ആള്കേരള ബിള്ഡിംഗ് ഓണേഴ്സ് അസോസിയേഷന്, വ്യാപാരി വ്യവസായി ഏകോപന സമിതി, റെന്റല് എന്റര്പ്രണേഴ്സ് നാഷണല് ട്രസ്റ്റ്, റെന്റല് ബിള്ഡിംഗ് ഓണേഴ്സ് അസോസിയേഷന്, വ്യാപാരി വ്യവസായി സമിതി, ക്രഡായ് എന്നീസംഘടനകളുടെ പ്രതിനിധികള് എന്നിവര് ചര്ച്ചയില് പങ്കെടുത്തു. ഭവന വകുപ്പ് സെക്രട്ടറി ടി.ഒ. സൂരജും മറ്റ് ഉയര്ന്ന ഉദ്യോസ്ഥരും യോഗത്തില് പങ്കെടുത്തു.