ശബരിമലയിലും സന്നിധാനത്തും കനത്ത സുരക്ഷ
പത്തനംതിട്ട : ബാബറി മസ്‌ജിദ്‌ വാര്‍ഷികം പ്രമാണിച്ച് ശബരിമലയിലും പരിസരത്തും കര്‍ശന സുരക്ഷ ഏര്‍പ്പെടുത്തി. നിയന്ത്രണങ്ങളുടെ ഭാഗമായി നാളെ പതിനെട്ടാം പടിക്ക്‌ താളെ രണ്ട്‌ വരിയായി മാത്രമേ അയ്യപ്പന്‍മാരെ കടത്തി വിടുകയുളളൂ. ഓരോ മണിക്കൂര്‍ ഇടവിട്ട്‌ സന്നിധാനത്തും പരിസരങ്ങളിലും പൊലീസും ബോംബ്‌ സ്‌ക്വാഡും പരിശോധന നടത്തുന്നുണ്ട്‌. സിഐഎസ്‌എഫ്‌,ദ്രുതകര്‍മസേനയും ദുരന്ത നിവാരണ സേനയും അടക്കം 1500 പേരെ സുരക്ഷാ ചുമതലകള്‍ക്കായി നിയോഗിച്ചിട്ടുണ്ട്‌. നിയന്ത്രണം രണ്ട്‌ ദിവസം തുടരും. പമ്പയും സന്നിധാനവും പൊലീസിന്റെ സൂക്ഷ്‌മ നീരീക്ഷണത്തിലായിരിക്കും. വനം വകുപ്പും പ്രത്യേക നീരീക്ഷണം നടത്തുന്നുണ്ട്‌. ശബരിമലയിലെ എല്ലാ വിഭാഗം ജീവനക്കാരും സേവനത്തില്‍ ഏര്‍പ്പെട്ടിരിക്കുന്നവരും നിര്‍ബന്ധമായും തിരിച്ചറിയല്‍ കാര്‍ഡ്‌ ധരിച്ചിരിക്കണമെന്നും നിഷ്‌ക്കര്‍ഷിച്ചിട്ടുണ്ട്‌.
https://www.facebook.com/Malayalivartha
