എന്‍ഡോസള്‍ഫാന്‍ : സമരക്കാരുമായി ചര്‍ച്ചയ്‌ക്ക്‌ തയ്യാറെന്ന്‌ മുഖ്യമന്ത്രി
എന്‍ഡോസള്‍ഫാന്‍ സമരക്കാര്‍ തയ്യാറായാല്‍ ഇന്നുതന്നെ ചര്‍ച്ച നടത്താമെന്ന്‌ മുഖ്യമന്ത്രി ഉമ്മന്‍ചാണ്ടി മന്ത്രിസഭയില്‍ പറഞ്ഞു. ഇതിനായി കൃഷി മന്ത്രി കെ.പി മോഹനനെ ചുമതലപ്പെടുത്തിയെന്നും മുഖ്യമന്ത്രി വിശദീകരിച്ചു.
പീഢിത ജനകീയ മുന്നണി ക്ലിഫ്‌ ഹൗസിന്‌ മുമ്പില്‍ നടത്തുന്ന സമരത്തില്‍ ഇടപെടണമെന്നാവശ്യപ്പെട്ട്‌ പ്രതിപക്ഷത്തെ പി. കുഞ്ഞിരാമന്‍ നിയമസഭയില്‍ അടിയന്തര പ്രമേയത്തിന്‌ നോട്ടീസ്‌ നല്‍കിയിരുന്നു.
സര്‍ക്കാര്‍ പ്രഖ്യാപിച്ച ഒത്തുതീര്‍പ്പ്‌ വ്യവസ്ഥകള്‍ പാലിക്കുക, കടങ്ങള്‍ എഴുതിത്തള്ളുന്നതിന്‌ നടപടി സ്വീകരിക്കുക, ജസ്റ്റിസ്‌ രാമചന്ദ്രന്‍ നായര്‍ റിപ്പോര്ട്ട് തള്ളുക, ചികിത്സാ സഹായം നല്‍കുക തുടങ്ങിയ ആവശ്യങ്ങള്‍ ഉന്നയിച്ചാണ്‌ 50 ദുരിതബാധിത കുടുംബങ്ങളിലെ വീട്ടമ്മമാര്‍ സമരത്തില്‍ പങ്കെടുക്കുന്നത്‌. വീട്ടമ്മമാര്‍ക്കൊപ്പം പൂര്‍ണ്ണമായും കിടപ്പിലായ അഞ്ചു പേരും അനിശ്ചിതകാല കഞ്ഞിവെപ്പ്‌ സമരത്തില്‍ പങ്കെടുക്കുന്നണ്ട്‌.
രണ്ടാം ദിവസത്തിലേക്ക്‌ കടന്ന സമരം തങ്ങളുടെ ആവശ്യങ്ങള്‍ അംഗീകരിച്ചു കിട്ടും വരെ തുടരാനാണ്‌ സമരക്കാരുടെ തീരുമാനം.
എന്‍ഡോസള്‍ഫാന്‍ ഇരകള്‍ക്കുളള ദുരിതാശ്വസം ആദ്യഗഡു വിതരണം ചെയ്‌തതായി മുഖ്യമന്ത്രി നിയമസഭയെ അറിയിച്ചു.
https://www.facebook.com/Malayalivartha
