നിയുക്ത കണ്ണൂര്‍ വിമാനത്താവളത്തിന്റെ ഓഫീസുകള്‍ ജപ്‌തി ചെയ്‌ത്‌ നഷ്‌ടപരിഹാരം നല്‍കാന്‍ കോടതി ഉത്തരവ്‌. ജപ്‌തി നടപടി ഓഫീസിന്റെ പ്രവര്‍ത്തനത്തെ കാര്യമായി ബാധിക്കും. കണ്ണൂര്‍ വിമാനത്താവളത്തിന്റെ മട്ടന്നൂരുള്ള മൂന്ന്‌ സ്‌പ്യഷ്യല്‍ തഹസില്‍ദാര്‍ ഓഫീസുകള്‍ ജപ്‌തി ചെയ്യാനാണ്‌ അഡീഷണല്‍ സബ്‌ കോടതിഉത്തരവിട്ടത്‌.  ഭൂമി ഏറ്റടുത്തതിലെ നഷ്‌ടപരിഹാരത്തുക ലഭിക്കാത്തതിനെ തുടര്‍ന്ന്‌ കുന്നത്തൂര്‍ ചന്ദ്രമതി നല്‍കിയ പരാതിയെ തുടര്‍ന്നാണ്‌ കോടതിയുടെ ഉത്തരവ്‌.
2.75 ലക്ഷം രൂപ 2010 നവംബര്‍ നാലിന്‌ ചന്ത്രമതിക്ക്‌ കൊടുക്കാന്‍ കോടതി ഉത്തരവിട്ടെങ്കിലും അത്‌ പാലിക്കപ്പെട്ടില്ല. ഉദ്യോസ്ഥരുടെ വീഴ്‌ചയാണ്‌ ഇത്രയും വൈകാന്‍ കാരണം.