കോണ്ഗ്രസിനു ധിക്കാരം... എസ്ജെഡിക്കും പ്രേമനും സീറ്റ്, കേരളകോണ്ഗ്രസിനില്ല
കസ്തൂരി രംഗന് കരട് വിജ്ഞാപനം പുറത്തുവന്നതോടെ കോണ്ഗ്രസില് കരുത്തനായി മാറിയ ഉമ്മന്ചാണ്ടി കേരള കോണ്ഗ്രസിന് ഇടുക്കി സീറ്റ് നല്കാനാവില്ലെന്ന് തുറന്നടിച്ചതോടെ മുന്നണി സമവാക്യങ്ങളില് അധികം വൈകാതെ മാറ്റമുണ്ടാകുമെന്ന് ഉറപ്പായി. ഏതുവിധേനയും കസ്തൂരി കരട് പുറത്തിറക്കാന് നടത്തിയ ശ്രമങ്ങള് വിജയിച്ചതോടെയാണ് ഇടുക്കി സീറ്റിനെതിരെ ഉമ്മന്ചാണ്ടി നിലപാടെടുത്തത് . കോണ്ഗ്രസിന്റെ സിറ്റിംഗ് സീറ്റ് തട്ടിപറിക്കാന് ശ്രമിക്കരുതെന്ന് വ്യക്തമായ സന്ദേശമാണ് പി.ജെ ജോസഫ് കൂടി പങ്കെടുത്ത യുഡിഎഫ് യോഗത്തില് ഉമ്മന്ചാണ്ടി നല്കിയത്.
ഇടുക്കി സീറ്റ് കേരള കോണ്ഗ്രസിന് നല്കില്ലെന്ന് ഇതോടെ വ്യക്തമായി. എന്നാല് പിടി തോമസിനെ മത്സരിപ്പിക്കാന് സാധ്യതയില്ല. ഇടുക്കി സീറ്റില് കോണ്ഗ്രസ് തന്നെ മത്സരിക്കുമെന്ന് മെത്രാന്മാരെ ഉമ്മന്ചാണ്ടി അറിയിക്കുകയും ചെയ്തിട്ടുണ്ട്. പിടി തോമസിനെ മാറ്റി നിര്ത്തിയാല് യുഡിഎഫിനെ ജയിപ്പിക്കാമെന്ന് ഇടുക്കി മെത്രാന് ഉള്പ്പെടെയുള്ളവര് ഉമ്മന്ചാണ്ടിയെ അറിയിച്ചതായാണ് വിവരം.
യുഡിഎഫിലേയ്ക്ക് വന്ന പ്രേമചന്ദ്രനും രണ്ട് എംഎല്എമാര് മാത്രമുള്ള വീരേന്ദ്രകുമാര് വിഭാഗം ദളിനും സീറ്റ് നല്കാനുള്ള തീരുമാനവും കോണ്ഗ്രസിന്റെ തലക്കനത്തിന് ഉദാഹരണമാണ്. ഒന്പതു എംഎല്എമാരുള്ള കേരള കോണ്ഗ്രസിനെ അവഗണിക്കാന് കോണ്ഗ്രസ് സ്വീകരിച്ച മാര്ഗ്ഗം സാധൂകരിക്കാന് സാധിക്കുന്നതല്ല. ഉമ്മന്ചാണ്ടിയുടെ നീക്കം കേരള കോണ്ഗ്രസ് നേതാക്കളെ അക്ഷരാര്ദ്ധത്തില് ഞെട്ടിച്ചിരിക്കുകയാണ്.
പ്രേമചന്ദ്രന്റെ കടന്നു വരവാണ് ഉമ്മന്ചാണ്ടിക്ക് കൂടുതല് ശക്തി പകര്ന്നത്. ഇപ്പോള് രാജി വയ്ക്കുമെന്ന് പറയുന്ന ചില ഘടകകക്ഷി എംഎല്എ മാര്ക്കുള്ള താക്കീതുകൂടിയാണ് പ്രേമചന്ദ്രന്റെ കടന്നു വരവ്. ഇതിനിടയില് ഇടഞ്ഞു നില്ക്കുന്ന കോവൂര് കുഞ്ഞുമോനെ മെരുക്കാനുള്ള ശ്രമങ്ങളും തുടരുന്നുണ്ട്. എന്തുവന്നാലും യുഡിഎഫ് കാലാവധി തികയ്ക്കുമെന്നു തന്നെ ഉമ്മന്ചാണ്ടി സഹപ്രവര്ത്തകരെ അറിയിക്കുന്നുണ്ട്. അഞ്ച്കൊല്ലവും തികച്ചു ഭരിക്കാന് തന്നെയാണ് തന്റെ തീരുമാനമെന്ന് ഉമ്മന്ചാണ്ടി പറയുന്നു.
പാര്ലമെന്റ് തെരഞ്ഞെടുപ്പില് തോറ്റാലും മുഖ്യമന്ത്രി മാറാനിടയില്ല. കാരണം രമേശ് ചെന്നിത്തല ആഭ്യന്തര മന്ത്രിയായതോടെ തീരെ ദുര്ഹബലനായി കഴിഞ്ഞു. ദുര്ബലനായ രമേശിന് തന്നെ തൊടാനാവില്ലെന്ന് ഉമ്മന്ചാണ്ടിക്കറിയാം. ഘടകകക്ഷികളുമായി വിട്ടുവീഴ്ച വേണ്ടെന്ന നിലപാടും ഉമ്മന്ചാണ്ടി സ്വീകരിച്ചിട്ടുണ്ട്. വിഎം സുധീരന് ഇതിന് പിന്തുണയും നല്കുന്നുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha