കെഎസ്ആര്ടിസിക്കു തിരിച്ചടിയായി സൗജന്യ യാത്ര, കെഎസ്ആര്ടിസിയെ രക്ഷിക്കണമെങ്കില് സൗജന്യയാത്രകള് അവസാനിപ്പിക്കണം
സൗജന്യയാത്രകള് അവസാനിപ്പിക്കാതെ കെഎസ്ആര്ടിസിയെ രക്ഷിക്കാനാകില്ലെന്നു കെഎസ്ആര്ടിസിയുടെ പുനഃസംഘടനയെക്കുറിച്ചു പഠിക്കാന് നിയോഗിച്ച പ്രൊഫ. സുശീല്ഖന്ന. വിദ്യാര്ഥികള് ഒഴികെയുള്ള വിഭാഗങ്ങളുടെ സൗജന്യയാത്രകള്ക്കു മാത്രം കെഎസ്ആര്ടിസി കഴിഞ്ഞവര്ഷം ചെലവഴിച്ചത് 120.79 കോടിരൂപയാണ്. വിദ്യാര്ഥികള്ക്കായി 105 കോടിരൂപയും ചെലവഴിച്ചു.
മുമ്പ് എടുത്ത വായ്പകളില് 655 കോടി ജനുവരിക്കുശേഷം മാത്രം തിരിച്ചടയ്ക്കാനുണ്ട്. ആറുമാസത്തെ സഞ്ചിത നഷ്ടം (2016 സെപ്റ്റംബര് മുതല് 2017 ഫെബ്രുവരി വരെ) 321.89 കോടിയാണ്. കെഎസ്ആര്ടിസിയുടെ വരവും ചെലവും തമ്മിലുള്ള പ്രതിമാസ അന്തരം 79 കോടിയായി ഉയര്ന്നു. എന്നാല്, ടിക്കറ്റ് വരുമാനം വര്ധിക്കുന്നില്ല. ദൈനംദിന വരുമാനം ഡീസലിന്റെ ചെലവിനും വായ്പ അടയ്ക്കാനും മാത്രം ഉപയോഗിക്കേണ്ടിവരുന്നു. സാമൂഹിക ഉത്തരവാദിത്വമുള്ള സ്ഥാപനമെന്ന നിലയില് അര്ഹതപ്പെട്ടവര്ക്കു മാത്രം സൗജന്യം ലഭിക്കുന്നുണ്ടെന്ന് ഉറപ്പാക്കണം. അല്ലാതെ മുന്നോട്ടുപോകാനാകില്ലെന്ന് സുശീല് ഖന്ന ചൂണ്ടിക്കാട്ടുന്നു.
കെഎസ്ആര്ടിസിയില് ബസ് ഒന്നിന് 8.7 എന്ന നിരക്കിലാണ് ജീവനക്കാരുള്ളത്. ജീവനക്കാരെ കുറയ്ക്കണമെന്നും ജോലിയിലെ മികവിന് അനുസരിച്ചു സ്ഥാനക്കയറ്റമടക്കമുള്ള കാര്യങ്ങള് തീരുമാനിക്കണമെന്നും നിര്ദേശമുണ്ട്. അന്തിമ റിപ്പോര്ട്ട് ഈ ആഴ്ച സമര്പ്പിക്കാനാണു സാധ്യത.
ബസില് ഇപ്പോള് സൗജന്യയാത്ര അനുവദിച്ചിരിക്കുന്നവര്
സ്വാതന്ത്ര്യസമര സേനാനി, അവരുടെ വിധവ, അന്ധര് സ്റ്റാന്ഡിങ് കൗണ്സില് ലീഗല് അഡ്വൈസര് (സംസ്ഥാനതലം, ജില്ലാതലം) എംഎല്എ, എംപി, മുന് എംഎല്എ, മുന് എംപി അര്ജുന, ദ്രോണാചാര്യ അവാര്ഡ് ജേതാക്കള്, കബീര് പുരസ്കാര ജേതാക്കള് ഭരണസമിതി അംഗങ്ങള്, മുന് ഭരണസമിതി അംഗങ്ങള്, അംഗീകൃത ട്രേഡ് യൂണിയനുകളുടെ പ്രസിഡന്റ്, ജനറല് സെക്രട്ടറി, പ്ലസ്ടുതലം വരെയുള്ള വിദ്യാര്ഥികള് സ്ഥിരം, താല്ക്കാലിക ജീവനക്കാര്ക്കും പെന്ഷന്കാര്ക്കും നിബന്ധനകള്ക്കു വിധേയമായി സൗജന്യയാത്ര.
https://www.facebook.com/Malayalivartha