മൂന്നാറില് സ്വകാര്യ വ്യക്തികളുടെ ഭൂമി കയ്യേറ്റത്തിന് ഉദ്യോഗസ്ഥരുടെ ഒത്താശ...
മൂന്നാറില് സ്വകാര്യ വ്യക്തികള് ഏക്കര് കണക്കിന് സര്ക്കാര് ഭൂമി സ്വന്തമാക്കിയത് സര്ക്കാര് ഉദ്യോഗസ്ഥരുടെ അകമഴിഞ്ഞ പിന്തുണയോടെ. വനംവകുപ്പിന്റെ നഴ്സറി സ്ഥാപിക്കാന് ഒഴിപ്പിച്ചെടുത്ത ഒന്നരയേക്കര് ഭൂമി കൂപ്പ് കോണ്ട്രാക്ടര് കൂടിയായ രാഷ്ട്രീയ നേതാവ് സ്വന്തമാക്കി. വനം, റവന്യൂ വകുപ്പ് ഉദ്യോഗസ്ഥരെ ഒത്താശയോടെ വ്യാജപട്ടയം തരപ്പെടുത്തിയായിരുന്നു കയ്യേറ്റം.
1965ല് മൂന്നാര് ഇക്കാനഗറില് ടൗണ്ഷിപ്പിനായി 12 കുടുംബങ്ങള് വിട്ടു നല്കിയ ഒന്നരയേക്കര് ഭൂമിയാണ് മരിയാദാസെന്ന വനംവകുപ്പ് കൂപ്പ് കോണ്ട്രാക്ടര് സ്വന്തമാക്കിയത്. ടൗണ്ഷിപ്പിനായി വിട്ടു നല്കിയ ഭൂമി 1992ല് വനംവകുപ്പ് ഗ്രാന്ഡിസ് മരങ്ങള് നട്ടുവളര്ത്തി നഴ്സറിയാക്കി. ഇതിന്റെ കരാറുകാരനായിരന്ന മരിയാദാസാണ് പിന്നീട് സര്ക്കാര് ഭൂമിയുടെ ഉടമയായത്. റവന്യൂ വകുപ്പ് ജീവനക്കാരുടെ ഒത്താശയോടെ വ്യാജപട്ടയം ഉള്പ്പെടെ തരപ്പെടുത്തിയായിരുന്നു കയ്യേറ്റം. മരിയാദാസിന്റെ ഭാര്യ, െ്രെഡവര്, ഊട്ടിയില് സ്ഥിരതാമസക്കാരായ ബന്ധുക്കള് ഉള്പ്പെടെ പതിനഞ്ചുപേരുടെ പേരിലാണ് സ്ഥലത്തിന്റെ പട്ടയം. ദേവികുളം അഡീഷനല് തഹസില്ദാര് എം.ഐ. രവീന്ദ്രനാണ് പട്ടയം നല്കിയത്.
ഹൈക്കോടതി നിര്ദേശപ്രകാരം ഒരു വര്ഷം മുമ്പ് ദേവികുളം തഹസില്ദാര് നടത്തിയ അന്വേഷണത്തില് പട്ടയങ്ങള് വ്യാജമാണെന്ന് കണ്ടെത്തി. സര്ക്കാര് ഭൂമി ദുരുപയോഗം ചെയ്ത സാഹചര്യത്തില് പിടിച്ചെടുത്ത ഭൂമി യഥാര്ഥ ഉടമകള്ക്ക് വിട്ടു നല്കണമെന്നും റിപ്പോര്ട്ട് ചെയ്തു. എന്നാല് ഇടുക്കി ജില്ലാ കലക്ടര് കയ്യേറ്റക്കാരന് അനുകൂലമായ നിലപാടാണ് സ്വീകരിച്ചത്. 1980മുതല് കയ്യേറ്റക്കാരന് പ്രദേശത്തെ താമസക്കാരനാണെന്നാണ് ഇടുക്കി ജില്ലാ കലക്ടര് റവന്യൂ സെക്രട്ടറിക്ക് റിപ്പോര്ട്ട് നല്കിയത്.
https://www.facebook.com/Malayalivartha