കോടതി നിര്ദ്ദേശമില്ലാതെ പൗരന്മാരുടെ സ്വകാര്യതയില് പോലീസ് ഇടപെടരുതെന്ന് മനുഷ്യാവകാശ കമ്മീഷന്
കോടതിനിര്ദേശമില്ലാതെ പൗരന്മാരുടെ സ്വകാര്യതയില് പോലീസ് ഇടപെടുന്നത് നിയമവിരുദ്ധമാണെന്ന് സംസ്ഥാന മനുഷ്യാവകാശ കമ്മീഷന്. സൈ്വരജീവിതത്തിനുള്ള മനുഷ്യാവകാശത്തെ തടസ്സപ്പെടുത്താന് ആര്ക്കും അധികാരമില്ലെന്നും കമ്മീഷന് അംഗം കെ.മോഹന്കുമാര് ഉത്തരവില് പറഞ്ഞു.
തന്റെ പേരിലുള്ള മൊബൈല് ഫോണ് നമ്പറുകള് ആര്ക്കോ വേണ്ടി ചോര്ത്തുകയാണെന്ന് ആരോപിച്ച് കാസര്കോട് മലക്കല്ല് സ്വദേശി സുനില് ജോസഫ് സമര്പ്പിച്ച പരാതിയിലാണ് നടപടി.
ഇത്തരം സാഹചര്യങ്ങള് ആവര്ത്തിക്കാതിരിക്കാന് പരാതി ലഭിക്കുമ്പോള് ഉചിതമായ നടപടി ജില്ലാ പോലീസ് മേധാവി സ്വീകരിക്കണമെന്നും ജില്ലാ പോലീസിന് കീഴിലുള്ള സൈബര്സെല്ലിനെ പരാതിക്കാരന് സ്വീകരിക്കാവുന്നതാണെന്നും ഉത്തരവില് പറയുന്നു. ഉത്തരവ് ജില്ലാ പോലീസ് മേധാവിക്ക് കൈമാറി.
https://www.facebook.com/Malayalivartha