സജിന്റെ മരണത്തിന് ഉത്തരവാദി ആര്? അമ്പിളിക്കയച്ച അവസാനസന്ദേശം?
സജിന്രാജ് പൊള്ളലേറ്റ് മരിച്ച സംഭവത്തില് അന്വേഷണം ഒരു യുവതിയിലേക്ക്. തൃശൂര് മായന്നൂര് സ്വദേശിനിയായ അമ്പിളിയുടെ ഫോണിലേക്കാണ് സജിന്രാജ് അവസാനമായി സന്ദേശം അയച്ചിരിക്കുന്നത്. മരിക്കുന്നതിനു തൊട്ട് മുമ്പു സജിന് യുവതിക്ക് അയച്ച സന്ദേശത്തില് താന് മരിക്കാന് പോകുന്നു എന്നു സൂചനയുണ്ടായിരുന്നു. ഈ രാത്രി അവസാനിക്കുമ്പോള് താന് ഉണ്ടാവില്ല എന്നാണ് സജിന് യുവതിയുടെ ഫോണിലേയ്ക്ക് അയച്ച സന്ദേശം. ഈ യുവതി സജിന്റെ കൈയില് നിന്നു മൂന്നു ലക്ഷം രൂപ കടം വാങ്ങിരുന്നു എന്നതിന്റെ സൂചനകള് കാറില് നിന്ന് ലഭിച്ചിരുന്നു.
എന്നാല് മരിക്കുന്നതിനു തൊട്ടു മുമ്പ് പോലീസിനു കൊടുത്ത മൊഴിയില് തന്നെ ആരോ തടഞ്ഞു നിര്ത്തി പെട്രോള് ഒഴിച്ചു എന്നാണ് സജിന് പറഞ്ഞത്. എന്നാല് ഫോറന്സിക് വിഭാഗം നടത്തിയ പരിശോധനയില് മരണപ്പെട്ട സജിന്റെത് അല്ലാതെ മറ്റാരുടേയും വിരല്പ്പാട് കണ്ടെത്താനായിട്ടില്ല. പെട്രോള് കുപ്പിയിലും സ്റ്റിയറിങ്ങിലുമൊക്കെ ഇയാളുടെ വിരല്പ്പാടാണ് കണ്ടെത്തിയത്. പോസ്റ്റ്മോര്ട്ടം റിപ്പോര്ട്ട് ലഭിച്ചാല് മാത്രമേ മരണം ആത്മഹത്യയാണോ എന്ന് സ്ഥിരീകരിക്കാന് കഴിയു എന്നും പോലീസ് പറയുന്നു.
https://www.facebook.com/Malayalivartha