ജനപ്രിയ നടനായ മുകേഷിനും ഇന്നസെന്റിനും സംഭവിച്ചത്...
'അമ്മ സംഘടയുടെ പതിനാറ് വര്ഷത്തെ അജയ്യനായിരുന്ന ഇന്നസെന്റ് ഇന്നേവരെ താരങ്ങളുടെ ഇടയിലും പ്രേക്ഷക മനസ്സിലും മൂല്യമുള്ള വ്യക്തിത്വത്തിന് ഉടമയായിരുന്നു താരം. തമാശകള് കൊണ്ട് സിനിമ ലോകം കയ്യടക്കിയെങ്കിലും കഴിഞ്ഞ കുറച്ച് ദിവസങ്ങളായി കടുത്ത വിമര്ശനങ്ങളാണ് താരത്തിന് മാധ്യമങ്ങളില് നിന്നും പൊതു സമൂഹങ്ങളില് നിന്നും നേരിടേണ്ടിവരുന്നത്. അതുപോലെ തന്നെയായിരുന്നു മുകേഷും മികച്ച സിനിമകള് കൊണ്ട് മാത്രമല്ല പാര്ട്ടിയിലും തന്റേതായുള്ള ഒരു വ്യക്തിത്വം മുകേഷ് നിലനിര്ത്തയിരുന്നു. പക്ഷെ ഇപ്പോള് മുകേഷിനും പാര്ട്ടിയില്നിന്നും പ്രേക്ഷകരില് നിന്നും നേരിടേണ്ടിവരുന്നത് വിമര്ശനങ്ങള് മാത്രം കാരണം മറ്റൊന്നുമല്ല...
നടി ആക്രമിക്കപ്പെട്ട സംഭവവുമായി ബന്ധപ്പെട്ട് നടനും എംഎല്എയുമായ മുകേഷ് അമ്മയുടെ യോഗത്തില് നടത്തിയ പരാമര്ശത്തില് തുടര്ന്നായിരുന്നു കൊല്ലത്ത് ബിജെപിയുടെയും കോണ്ഗ്രസിന്റെയും പ്രതിഷേധം. കഴിഞ്ഞ ദിവസം നടനും 'അമ്മ പ്രസിഡന്റുമായ ഇന്നസെന്റിന്റെ വസതിയിലും കോണ്ഗ്രസ്സ് പ്രവര്ത്തകര് മാര്ച്ച് നടത്തിയിരുന്നു. സ്ത്രീ വിരുദ്ധ പരാമര്ശം നടത്തിയ ഇന്നസെന്റ് പാര്ലമെന്റ് അംഗത്വം രാജിവയ്ക്കണമെന്ന് ആവശ്യപ്പെട്ടായിരുന്നു മാര്ച്ച്. എന്നാല് മുകേഷിന്റെ വസതിയിലേക്ക് ബിജെപി നടത്തിയ മാര്ച്ചില് നേരിയ സംഘര്ഷമുണ്ടായി. മാര്ച്ച് പൊലീസ് തടഞ്ഞതോടെ പ്രതിഷേധക്കാര് തള്ളിക്കയറാന് ശ്രമിച്ചു. തുടര്ന്ന് പൊലീസ് ബലംപ്രയോഗിച്ച് ഇവരെ നീക്കി. പൊലീസും പ്രതിഷേധക്കാരും തമ്മില് ഉന്തും തള്ളുമുണ്ടായി.
കൊച്ചിയില് നടന്ന സിനിമാ സംഘടനയായ അമ്മയുടെ യോഗത്തില് മാധ്യമങ്ങളുടെ ചോദ്യങ്ങള്ക്ക് മുമ്പില് മുകേഷ് നടത്തിയ രോഷ പ്രകടനമാണ് പ്രതിഷേധത്തിന് കാരണം. മാധ്യമ പ്രവര്ത്തകരുടെ ചോദ്യങ്ങള്ക്ക് മുമ്പില് മുകേഷും ഗണേശും പൊട്ടിത്തെറിക്കുക ആയിരുന്നു. ഇതിനെതിരെ പ്രതിഷേധം ഉയര്ന്നപ്പോള് അമ്മ പ്രസിഡന്റായ ഇന്നസെന്റ് മാധ്യമങ്ങളെ വിളിച്ച് മാപ്പ് ചോദിക്കുകയും ചെയ്തിരുന്നു. എന്നിരുന്നാലും ഇപ്പോഴും മുകേഷിനെതിരെയുള്ള പ്രതിഷേധം ശക്തമായിക്കൊണ്ടിരിക്കുകയാണ്.
https://www.facebook.com/Malayalivartha