ശ്രീറാം വെങ്കിട്ടരാമനെ സബ് കളക്ടര്‍ സ്ഥാനത്തുനിന്ന് മാറ്റിയ സര്‍ക്കാര്‍ നടപടി വിവാദമായിരുന്നു. എന്നാല്‍ അത് സ്ഥലം മാറ്റമല്ല സ്ഥാനക്കയറ്റമാണെന്നായിരുന്നു സര്‍ക്കാറിന്റെ ഭാഗത്തുനിന്നുള്ള പ്രതികരണം. എന്നാല്‍ സര്‍ക്കാറിന്റെ വാദം പച്ചക്കള്ളമാണെന്ന് തെളിയിക്കുന്ന സര്‍ക്കാര്‍ രേഖയുമായി പൊതുപ്രവര്‍ത്തകനായ ഹരീഷ് വാസുദേവന്‍ രംഗത്തെത്തി. 

കയ്യേറ്റമൊഴിപ്പിക്കലുമായി മുന്നോട്ടുപോയ ദേവികുളം സബ് കളക്ടറായ ശ്രീറാം വെങ്കിട്ടരാമനെ മൂന്നാറില്‍ നിന്നും സ്ഥലം മാറ്റിയത് സംശയം ജനിപ്പിക്കുന്നുവെന്ന് മുന്‍ മുഖ്യമന്ത്രി ഉമ്മന്‍ചാണ്ടി ഉൾപ്പെടെ പറഞ്ഞത് വിമർശനത്തിന് വഴിയൊരുക്കിയിരുന്നു. എന്നാൽ വകുപ്പ് മന്ത്രി പോലും ആവശ്യപ്പെടാത്ത മാറ്റമായിരുന്നു നല്‍കിയത്. സർക്കാർ ഈ വിമർശനങ്ങളും വാദങ്ങളുമൊക്കെ തള്ളിക്കളഞ്ഞു ശ്രീറാം വെങ്കിട്ടരാമനു നൽകിയത് സ്ഥാന കയറ്റമായിരുന്നു എന്നായിരുന്നു നിലപാട്. എന്നാൽ ഇപ്പോൾ സർക്കാർ പറയുന്നത് പച്ചകള്ളം എന്ന തെളിയിക്കുന്ന രേഖകളാണ് ഹരീഷ് പുറത്തുവിട്ടിരിക്കുന്നത്.

ശ്രീറാമിന്റെ സ്ഥലം മാറ്റ ഉത്തരവിന്റെ പകര്‍പ്പാണ് ഹരീഷ് പുറത്തുവിട്ടിരിക്കുന്നത്. അദ്ദേഹം പുറത്തുവിട്ട രേഖയും അദ്ദേഹം സോഷ്യല്‍ മീഡിയയില്‍ കുറിച്ചതും താഴെ കാണാം...