അമ്മ ലക്കുകെട്ട് റോഡില്; പോലീസുകാര് പിഞ്ചുകുഞ്ഞിന് തുണയായി
മദ്യപിച്ച് അമ്മയുടെ ബോധം പോയപ്പോള് തളര്ന്നുകിടന്ന പിഞ്ചുകുഞ്ഞിനു പൊലീസ് രക്ഷകരായി. വീട്ടുകാരുമായി പിണങ്ങി വീടുവിട്ടിറങ്ങിയ മുപ്പതുകാരിയുടെ ആറു മാസം മാത്രം പ്രായമായ കുഞ്ഞിനാണു തമ്പാനൂര് പൊലീസ് തുണയായത്. പവര്ഹൗസിലെ ബീവറേജസ് ഷോപ്പിനു മുന്നില് നടുറോഡില് ഒരു സംഘം മദ്യപിക്കുന്ന വിവരം ലഭിച്ചതിനെ തുടര്ന്ന് പരിശോധനയ്ക്കെത്തിയ തമ്പാനൂര് പോലീസ് പട്രോളിങ് സംഘം അക്ഷരാര്ത്ഥത്തില് ഞെട്ടി. കാരണം മദ്യപ സംഘത്തിലുണ്ടായിരുന്നത് ആണുങ്ങളായിരുന്നില്ല മറിച്ച് ഒരു സംഘം യാചക സ്ത്രീകളായിരുന്നു.
പോലീസിനെ കണ്ട് ഇവര് ഓടി മാറിയെങ്കിലും ഒരു സ്ത്രീ മാത്രം നടക്കാനാവാത്ത വണ്ണം മദ്യപിച്ച നിലയിലായിരുന്നു. യുവതിയെ പരിശോധിച്ച വനിതാ കോണ്സ്റ്റബിളാണ് വീണ്ടും ഞെട്ടിയത്. അവര് നോക്കുമ്പോള് ഏകദേശം മുപ്പതുകാരിയായ യുവതിയുടെ ഒക്കത്ത് ആറുമാസം പ്രായമുള്ള ഒരു ചോരക്കുഞ്ഞ്. ആ കുഞ്ഞിനെ തമ്പാനൂര് സ്റ്റേഷനിലെ വനിതാ പോലീസ് ഓഫീസര് ഏറ്റുവാങ്ങുകയായിരുന്നു. സ്ഥലത്തെ ശല്യക്കാരായ ചില സ്ത്രീകളെയും പൊലീസ് വിരട്ടിയോടിച്ചു.
തുടര്ന്നു ഹെല്പ് ലൈനിന്റെ സഹായത്തോടെ അമ്മയെയും കുഞ്ഞിനെയും പൊലീസ് സ്റ്റേഷനിലേക്ക് കൊണ്ടുപോയി. എന്തായാലും പെറ്റികേസ് ചാര്ജ് ചെയ്ത് ഇന്നലെ വനിതാ സംരക്ഷണ കേന്ദ്രത്തില് എത്തിച്ച ഇവരെ പിന്നീട് ബന്ധുക്കളോടൊപ്പം വിട്ടയച്ചു. തമ്പാനൂര് സിഐ പൃഥ്വിരാജ്, ഉദ്യോഗസ്ഥരായ എസ്പി പ്രകാശ്, അന്സാരി, വിനോദ്, ശ്രീനാഥ്, മെഹന്തി, ഷീബ എന്നിവരുടെ നേതൃത്വത്തിലായിരുന്നു നടപടി .
https://www.facebook.com/Malayalivartha