പ്രവാസികളുടെ മൃതദേഹം നാട്ടിലെത്തിക്കുന്നതിനുള്ള പുതിയ വ്യവസ്ഥകള് അംഗീകരിക്കാന്കഴിയില്ല; മുഖ്യമന്ത്രി
വിദേശത്തുനിന്ന് മൃതദേഹം നാട്ടില് എത്തിക്കുന്നതിന് 48 മണിക്കൂര് മുമ്പ് രേഖകള് എയര് പോര്ട്ടില് എത്തിക്കണമെന്ന പുതിയ വ്യവസ്ഥ അപ്രായോഗികവും അംഗീകരിക്കാന് ആകാത്തതുമാണെന്ന് മുഖ്യമന്ത്രി പിണറായി വിജയന് . തീരുമാനം പിന്വലിക്കണമെന്ന് ആവശ്യപ്പെട്ട് കേന്ദ്ര സിവില് ഏവിയേഷന് വകുപ്പ് മന്ത്രിക്ക് മുഖ്യമന്ത്രി കത്തയച്ചു.
കഴിഞ്ഞ ദിവസം സൗദിയില് മരണപ്പെട്ട വയനാട് സ്വദേശിയായ ജയപ്രകാശിന്റെ മൃതദേഹം എല്ലാ രേഖകളും നല്കിയിട്ടും പുതിയ വ്യവസ്ഥയുടെ പേരുപറഞ്ഞ് കൊണ്ടുവരാന് അനുവദിക്കാത്ത സ്ഥിതിയാണുള്ളത്. മൃതദേഹവുമായി ബന്ധപ്പെട്ട എല്ലാരേഖകളും കൊടുത്ത് 48 മണിക്കൂര് കഴിഞ്ഞാലേ കൊണ്ടുവരാന് അനുവദിക്കൂ എന്ന നിലപാട് അപ്രായോഗികമാണ്.
അടിയന്തരമായി ഈ പ്രശ്നത്തില് ഇടപെട്ട് പുതിയ വ്യവസ്ഥകള് പിന്വലിക്കാന് കേന്ദ്ര സിവില് ഏവിയേഷന് വകുപ്പുമന്ത്രി തയ്യാറാകണമെന്നും ഗള്ഫ് മേഖലയില് നിന്ന് മൃതദേഹം എത്രയും വേഗം നാട്ടിലെത്തിക്കാനാവശ്യമായ നടപടികളാണ് വേണ്ടത്. മുഖ്യമന്ത്രി ആവശ്യപ്പെട്ടു
https://www.facebook.com/Malayalivartha