നടന് ദിലീപ് സമര്പിച്ച ജാമ്യാപേക്ഷ ഹൈക്കോടതി വിധി പറയാന് മാറ്റി
നടിയെ ആക്രമിച്ച കേസില് ദിലീപിന്റെ ജാമ്യാപേക്ഷ വാദം പൂര്ത്തിയായി. നടന് ദിലീപ് സമര്പിച്ച ജാമ്യാപേക്ഷ ഹൈക്കോടതി വിധി പറയാന് മാറ്റി.
അങ്കമാലി മജിസ്ട്രേറ്റ് കോടതി ജാമ്യാപേക്ഷ തളളിയ സാഹചര്യത്തിലായിരുന്നു ദിലീപ് ഹൈക്കോടതിയെ സമീപിച്ചത്. തിങ്കളാഴ്ച അപേക്ഷ പരിഗണിച്ച കോടതി സര്ക്കാരിന് നിലപാട് അറിയിക്കാന് ഇന്നത്തേക്ക് മാറ്റുകയായിരുന്നു. ഹര്ജി പഠിക്കാന് കൂടുതല് സമയം വേണമെന്ന പ്രോസിക്യൂഷന് ഡയറക്ടര് ജനറലിന്റെ ആവശ്യത്തെ തുടര്ന്നായിരുന്നു ജാമ്യാപേക്ഷ മാറ്റിയത്.
ക്രിമിനലായ ഒരാളുടെ മൊഴിയുടെ അടിസ്ഥാനത്തില് മാത്രമാണ് ദിലീപിനെതിരെ കേസെടുത്തിരിക്കുന്നതെന്നും ഗൂഢാലോചന തെളിയിക്കാന് തെളിവുകള് ഇല്ലെന്നുമാണ് പ്രതിഭാഗം അഭിഭാഷകന് കെ രാംകുമാറിന്റെ വാദം.ദിലീപിനെതിരെ നേരിട്ട് തെളിവുകളൊന്നും ഇല്ലെന്ന് അഭിഭാഷകന് രാംകുമാര് വാദിച്ചു.
അറസ്റ്റിന് ശേഷം ദിലീപിന് കേസില് പങ്കുണ്ടെന്ന രീതിയില് മാധ്യമങ്ങള് പ്രചരണം നടത്തുന്നു. ഷൂട്ടിംഗ് ലൊക്കേഷനില് സുനിയുമായി സംസാരിച്ചുവെന്നത് മതിയായ തെളിവല്ല. സെറ്റുകളില് സ്ഥിരം സന്ദര്ശകനാണ് സുനി. സുനിക്കൊപ്പം ദിലീപ് നില്ക്കുന്ന ചിത്രം ഏങ്ങനെ ഗൂഢാലോചനക്കുള്ള തെളിവാകുമെന്നും രാംകുമാര് വാദിച്ചു. എന്നാല് ദിലീപിനെതിരെ ഗൂഢാലോചന, കൂട്ടമാനഭംഗം, തട്ടിക്കൊണ്ടുപോകല് ഉള്പ്പെടെ 11 വകുപ്പുകള് ചുമത്തിയിട്ടുണ്ടെന്നും 19 തെളിവുകള് ഉണ്ടെന്നുമായിരുന്നു പ്രോസിക്യൂഷന്റെ വാദം.
https://www.facebook.com/Malayalivartha
