വീട്ടമ്മയെ ബലാത്​സംഗം ചെയ്​തുവെന്ന കേസിൽ എം.എൽ.എ എം. വിൻസ​ന്റ രാജിവെക്കണ​മെന്ന്​ വിഎസ്​ അച്യുതാനന്ദൻ.കോവളത്ത്​ വീട്ടമ്മ ആത്​മഹത്യക്ക്​ ശ്രമിച്ചതുമായി ബന്ധപ്പെട്ട്​ ആരോപണ വിധേയനായ എം.വിൻസ​ന്റ എം.എൽ.എ നിയമ സഭക്ക്​ കളങ്കം വരാത്ത രീതിയിൽ എത്രയും വേഗം രാജിവെച്ച്​ ഒഴിയണമെന്നാണ്​ വി.എസ്​ പ്രസ്​താവനയിൽ ആവശ്യപ്പെട്ടത്​.സ്​ത്രീപീഡന കേസിലെ പ്രതിയായി എം.എൽ.എ അറസ്​റ്റ്​ ചെയ്യപ്പെടുന്നത്​ നിയമസഭക്ക്​ കളങ്കമാണ്​. ഇക്കാര്യത്തിൽ കോൺഗ്രസ്​ പാർട്ടിക്കും ഉത്തരവാദിത്തമുണ്ട്​. നിയമപരമായി രക്ഷനേടാനുള്ള അവസാന അവസരം വരെ കാത്തിരിക്കാതെ കോൺഗ്രസ്​ തന്നെ രാജി ആവശ്യപ്പെടുന്നതാണ്​ ഉചിതമെന്നും വി.എസ്​ ചൂണ്ടിക്കാട്ടി.