വഴികളെല്ലാം അടയുന്നു: ജീന് പോളിനെതിരെ ഹോട്ടല് ജീവനക്കാരന്റെ മൊഴി
യുവ നടിയോട് മോശമായി പെരുമാറിയ സംവിധായകന് ജീന് പോളിനെതിരെ ഹോട്ടല് ജീവനക്കാരന്റെ മൊഴി. റമദ ഹോട്ടലിലെ ജീവനക്കാരനാണ് സംവിധായകനെതിരെ മൊഴി കൊടുത്തത്. ചിത്രീകരണത്തിനിടെ ജീന്പോള് ലൈംഗികച്ചുവയോടെ സംസാരിച്ചെന്നും തന്റേതെന്ന വിധത്തില് മറ്റാരുടെയോ ശരീരഭാഗങ്ങള് സിനിമയില് ഉള്പ്പെടുത്തി അപകീര്ത്തിപ്പെടുത്തി എന്ന നടിയുടെ പരാതിയിലാണ് പൊലീസ് കേസ് എടുത്തത്.
ജീന് പോളിനും ശ്രീനാഥ് ഭാസിക്കും പുറമെ അസി. ഡയറക്ടര് അനിരുദ്ധ്, അണിയറ പ്രവര്ത്തകന് അനൂപ് എന്നിവര്ക്കെതിരെ പനങ്ങാട് പൊലീസ് ഒരാഴ്ച മുമ്പാണ് കേസ് രജിസ്റ്റര് ചെയ്തത്.
ജീന് പോള് ലാലിനെതിരായ പരാതിയില് കഴമ്പുണ്ടെന്ന് പൊലീസ് കഴിഞ്ഞദിവസം വ്യക്തമാക്കിയിരുന്നു. ചിത്രത്തിന്റെ സെന്സര് കോപ്പി പരിശോധിച്ച പൊലീസ് നടിയുടെ ബോഡി ഡ്യൂപ്പ് ഉപയോഗിച്ചതായി കണ്ടെത്തി. ചിത്രത്തിന്റെ പ്രൊഡക്ഷന് കണ്ട്രോളറുടെയും സെറ്റിലുണ്ടായിരുന്ന മറ്റു ചിലരുടെയും മൊഴി അന്വേഷണസംഘം രേഖപ്പെടുത്തിയിരുന്നു. സെറ്റില് പ്രശ്നങ്ങളുണ്ടായെന്നും നടിയുടെ ഡ്യൂപ്പിനെ ഉപയോഗിച്ച് ചിത്രീകരണം നടത്തിയെന്നും ഇവര് മൊഴി നല്കിയതായാണ് സൂചന.
https://www.facebook.com/Malayalivartha
