പാ​ണ​ത്തൂ​രി​ല്‍ ആം​ഗ​ന്‍​വാ​ടി വി​ദ്യാ​ര്‍​ഥി​നി​യാ​യ മൂന്നര വയസുകാരിയെ കാ​ണാ​താ​യ​തു​മാ​യി ബ​ന്ധ​പ്പെ​ട്ടു പോ​ലീ​സ് അ​ന്വേ​ഷ​ണം ബ​ന്ധു​ക്ക​ളി​ലേ​യ്ക്കും നാ​ട്ടു​കാ​രി​ലേ​ക്കും വ്യാ​പി​പ്പി​ച്ചു. ഇ​തി​ന്‍റെ ഭാ​ഗ​മാ​യി നാ​ട്ടു​കാ​രി​ല്‍ ചി​ല​രെ രാ​ജ​പു​രം പോ​ലീ​സ് ഞായറാഴ്ച ചോ​ദ്യം ചെ​യ്തു. പാ​ണ​ത്തൂര്‍ സ്വദേശികളായ ബാ​പ്പു​ങ്ക​യ​ത്തെ ഇ​ബ്രാ​ഹിം-​ഹ​സീ​ന ദമ്പതികളുടെ മ​ക​ള്‍ സ​ന ഫാ​ത്തി​മ​യെ​യാ​ണു ഓഗസ്റ്റ് മൂന്നാം തീയതി വൈ​കു​ന്നേ​രം നാ​ലോ​ടെ കാ​ണാ​താ​യ​ത്.

കു​ട്ടി വീടിന് മുന്നിലെ ഓ​വു​ചാ​ലി​ല്‍ വീണ് ഒ​ഴു​ക്കി​ല്‍​പെ​ട്ട​താ​ണെ​ന്ന സം​ശ​യ​ത്തെ​തു​ട​ര്‍​ന്നു നാ​ലു ദി​വ​സ​മാ​യി അ​ഗ്നി​ശ​മ​ന​സേ​ന​യും പോ​ലീ​സും നാ​ട്ടു​കാ​രും ന​ട​ത്തി​യ തി​ര​ച്ചി​ല്‍ നി​ര്‍​ത്തി​വ​ച്ചു. കു​ട്ടി ഒ​ഴു​ക്കി​ല്‍​പെ​ട്ട​താ​കാ​നി​ട​യി​ല്ലെ​ന്നും മ​റ്റു വ​ഴി​ക​ളാ​ണു കു​ട്ടി​യു​ടെ തി​രോ​ധാ​ന​ത്തി​നു പി​ന്നി​ലെ​ന്നും അ​ന്വേ​ഷ​ണ​ സം​ഘം സം​ശ​യി​ക്കു​ന്നു. കാ​ണാ​താ​യ സ​മ​യ​ത്തു ഓ​വു​ചാ​ലി​നു സ​മീ​പ​ത്തു നി​ന്നു കു​ട്ടി​യു​ടെ ഒ​രു ചെ​രി​പ്പും കു​ട​യും ക​ണ്ടെ​ത്തി​യി​രു​ന്നു.

കു​റ​ച്ചു​നാ​ളു​ക​ളാ​യി പ്ര​ദേ​ശ​ത്തു തമ്പടിച്ചിരുന്ന  നാ​ടോ​ടി സം​ഘ​ത്തെ കാ​ണാ​താ​യ​താ​യെ​ന്ന നാ​ട്ടു​കാ​രു​ടെ പ​രാ​തി​യി​ലും അ​ന്വേ​ഷ​ണം പു​രോ​ഗ​മി​ക്കു​ന്നു​ണ്ട്. കു​ട്ടി​യു​ടെ തി​രോ​ധാ​ന​ത്തി​ലെ ദു​രൂ​ഹ​ത സം​ബ​ന്ധി​ച്ചു വ​രും ദി​വ​സ​ങ്ങ​ളി​ല്‍ കൂ​ടു​ത​ല്‍ വ്യ​ക്ത​ത വ​രു​മെ​ന്നാ​ണു കേ​സ​ന്വേ​ഷി​ക്കു​ന്ന രാ​ജ​പു​രം പോ​ലീ​സ് പ​റ​യു​ന്ന​ത്.

പ്രദേശത്തുള്ള ആരെങ്കിലും ദുരുദ്ദേശത്തോടെ സനയെ തട്ടിക്കൊണ്ടാവാന്‍ സാധ്യയതുണ്ടെന്നും കുടുംബം സംശയിക്കുന്നു. ഇതേ തുടര്‍ന്നാണ് വിശദമായ അന്വേഷണത്തിന് കുടുംബം ആവശ്യപ്പെടുന്നത്. സനയെ കാണാതായി മണിക്കൂറുകള്‍ക്കുള്ളില്‍ കുട്ടിയെ കണ്ടെത്തിയെന്ന തരത്തില്‍ ഒരു വാട്‌സാപ്പ് സന്ദേശം ചില ഗ്രൂപ്പുകളില്‍ പ്രചരിച്ചിരുന്നു. നൗഷാദ് ഇളംബാടിയെന്നയാളുടെ പേരിലായിരുന്നു ഈ സന്ദേശം.

ഈ നമ്പറില്‍ കുട്ടിയുടെ ബന്ധുക്കള്‍ ഉടന്‍ വിളിച്ചുനോക്കിയെങ്കിലും പ്രതികരണമുണ്ടായില്ല. കുറച്ചു സമയം കഴിഞ്ഞ് തെറ്റായ സന്ദേശം അയച്ചതില്‍ ക്ഷമ ചോദിക്കുന്നതായി മറ്റൊരു സന്ദേശം കൂടി വരികയായിരുന്നു. സനയെ കണ്ടെത്തിയെന്ന തരത്തിലുള്ള സന്ദേശങ്ങള്‍ പ്രചരിച്ചതോടെ തൊട്ടടുത്ത ദിവസം മുതല്‍ കുട്ടിയെ കിട്ടിയല്ലോയെന്നു ചോദിച്ചു നിരവധി പേര്‍ വിളിച്ചതായി ബന്ധു പറയുന്നു. ഇതിനു പിന്നില്‍ ദുരൂഹതയുണ്ടെന്നും അവര്‍ ആരോപിക്കുന്നു.

ഞായറാഴ്ച രാ​വി​ലെ 11 മു​ത​ല്‍ വൈ​കു​ന്നേ​രം മൂ​ന്നു വ​രെ നീ​ലേ​ശ്വ​രം തീ​ര​ദേ​ശ പോ​ലീ​സ് ഗാ​ര്‍​ഡു​മാ​രാ​യ സൈ​ഫു​ദീ​ന്‍, ച​ന്ദ്ര​ന്‍ വെ​ള്ളൂ​ര്‍, പി.​നി​ധി​ന്‍, പി.​ജം​ഷീ​ദ് എ​ന്നി​വ​രു​ടെ നേ​തൃ​ത്വ​ത്തി​ല്‍ പാ​ണ​ത്തൂ​ര്‍ മു​ത​ല്‍ ബ​ളാം​തോ​ടു വ​രെ പു​ഴ​യി​ല്‍ തി​ര​ച്ചി​ല്‍ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. ജി​ല്ലാ പോ​ലീ​സ് ചീ​ഫ് കെ.​ജി.​സൈ​മ​ണ്‍, ഹൊ​സ്ദു​ര്‍​ഗ് ഡി​വൈ​എ​സ്പി കെ.​ദാ​മോ​ദ​ര​ന്‍ എ​ന്നി​വ​രു​ടെ മേ​ല്‍​നോ​ട്ട​ത്തി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്.