കിറ്റെക്സിലെ വനിതാ തൊഴിലാളികളെ ലൈംഗികമായി ചൂഷണം ചെയ്യുന്നത് സംബന്ധിച്ച പരാതിയില് അടിയന്തരമായി അന്വേഷണം വേണമെന്ന് വി.എസ്.
കിറ്റെക്സ് ഗാര്മെന്റ്സ് കമ്പനിയിലെ വനിതാ തൊഴിലാളികളെ ലൈംഗികമായി ചൂഷണം ചെയ്യുന്നത് സംബന്ധിച്ച പരാതിയില് അടിയന്തരമായി അന്വേഷണം നടത്തി കുറ്റക്കാര്ക്കെതിരെ നടപടിയെടുക്കണമെണ്ന്നാവശ്യപ്പെട്ട് പ്രതിപക്ഷനേതാവ് വി.എസ്. അച്യുതാനന്ദന് ആഭ്യന്തരമന്ത്രി രമേശ് ചെന്നിത്തലക്ക് കത്ത് നല്കി. ഈ ആവശ്യമുന്നയിച്ച് കിഴക്കമ്പലം പഞ്ചായത്ത് പ്രസിഡന്റ് ജോളി ബേബി നല്കിയ പരാതിയും ആഭ്യന്തരമന്ത്രിക്ക് വി.എസ്. കൈമാറിയിട്ടുണ്ട്.
കിറ്റെക്സ് കമ്പനിയിലേക്ക് ജാര്ഖണ്ടില് നിന്നും കൊണ്ടുവന്ന യുവതികളെ ഗര്ഭ പരിശോധന നടത്തി കേരളത്തിലെത്തിച്ച് ലൈംഗിക വ്യാപാരത്തിന് ഉപയോഗിച്ചതായി ഇതേപ്പറ്റി അന്വേഷിച്ച ജാര്ഖണ്ട് വനിതാ കമ്മീഷന് അംഗം അജന്താ സിംഗ് വെളിപ്പെടുത്തിയ കാര്യം വി.എസ്. കത്തില് ചൂണ്ടിക്കാട്ടി. കേരളത്തിലേക്ക് യുവതികളെ കടത്തിയത് സംബന്ധിച്ച് പോലീസ് അന്വേഷണത്തില് തെളിഞ്ഞതിനേക്കാള് ഗൗരവതരമായ വിവരങ്ങളാണ് കേസ് ആദ്യം അന്വേഷിച്ച ജാര്ഖണ്ട് വനിതാ കമ്മീഷന് വെളിപ്പെടുത്തിയിരിക്കുന്നത്. കേരളത്തിലേക്ക് കൊണ്ടുപോന്ന ഇവരെ ഇവിടെ നിന്ന് ദുബായിലേക്കും മറ്റ് വിദേശരാജ്യങ്ങളിലേക്കും കടത്തി ദുരുപയോഗം ചെയ്തതായും ആക്ഷേപമുണ്ട്. വന് റാക്കറ്റ് ഇതിന് പിന്നില് പ്രവര്ത്തിക്കുന്നതായും അതുകൊണ്ട് ഇക്കാര്യണ്ത്തില് സംസ്ഥാന സര്ക്കാര് അന്വേഷണം നടത്താന് തയ്യാറാവണമെന്നും വി.എസ്. പറഞ്ഞു.
കിറ്റെക്സ് മാനേജ്മെന്റ് അവിടത്തെ വനിതാ തൊഴിലാളികളെ ദുരുപയോഗം ചെയ്യുന്നതായും ഇത് തടയണമെന്നാവശ്യപ്പെട്ടും തൊഴിലാളികള് നേരത്തെ കിഴക്കമ്പലം പഞ്ചായത്ത് പ്രസിഡന്റിന് പരാതി നല്കിയിരുന്നു. ഈ സാഹചര്യത്തില് സംഭവത്തെപ്പറ്റി അന്വേഷണം നടത്തി യുവതികളെ രക്ഷിക്കാനും ഇതിന് പിന്നില് പ്രവര്ത്തിച്ച കുറ്റവാളികളെ നിയമത്തിനുമുന്നില് കൊണ്ടുവരാനും സര്ക്കാര് അടിയന്തര നടപടി സ്വീകരിക്കണമെന്ന് വി.എസ്. കത്തില് ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha