കേരളത്തിലേക്ക് കുട്ടികളെ എത്തിച്ച സംഭവം അന്വേഷിക്കാന്‍ ഝാര്‍ഖണ്ഡ് സര്‍ക്കാര്‍ പ്രത്യേക അന്വേഷണ സംഘത്തെ രൂപീകരിച്ചു. ഝാര്‍ഖണ്ഡ് മുഖ്യമന്ത്രി ഹേമന്ദ് സോറന്റെ നിര്‍ദ്ദേശപ്രകാരമാണ് അന്വേഷണ സംഘത്തെ രൂപീകരിച്ചത്.

അതേസമയം, കേരളത്തിലേക്ക് കുട്ടികളെ എത്തിച്ച സംഭവം മനുഷ്യക്കടത്തായി ഇപ്പോള്‍ വിലയിരുത്താന്‍ ആകില്ലെന്ന് ഝാര്‍ഖണ്ഡ് ലേബര്‍ കമ്മീഷണര്‍ മനീഷ് രഞ്ജന്‍ പറഞ്ഞു. മനുഷ്യക്കടത്തായി തിടുക്കത്തില്‍ വിലയിരുത്തന്നത് അപക്വമാകും. കുട്ടികളെ ബാലവേലക്ക് ഉപയോഗിച്ചിട്ടില്ലെന്നും ലേബര്‍ കമ്മീഷന്‍ പറഞ്ഞു. സംഭവത്തില്‍ കേരളത്തിലെത്തി പരിശോധന നടത്തിയ പോലീസ്, സര്‍ക്കാര്‍ ഉദ്യോഗസ്ഥര്‍ സമര്‍പ്പിച്ച റിപ്പോര്‍ട്ടുകള്‍ പരിഗണിച്ചാണ് ഝാര്‍ഖണ്ഡ് സര്‍ക്കാരിന്റെ തുടര്‍നടപടികള്‍ .

സംഭവത്തില്‍ ദുരൂഹതയുണ്ടെന്നാണ് പോലീസും ഉദ്യോസ്ഥരും നല്‍കിയ റിപ്പോര്‍ട്ടിലുള്ളത്. കേസില്‍ പ്രാഥമിക അന്വേഷണം നടത്തിയ ഉദ്യോസ്ഥരെ ഉള്‍പ്പെടുത്തി പ്രത്യേക അന്വേഷണ സംഘത്തിന് അടുത്ത ദിവസം തന്നെ രൂപം നല്‍കും. കുട്ടികളുടെ സ്വദേശമായ ഗൊഡ്ഡയിലായിരിക്കും കേസ് രജിസ്റ്റര്‍ ചെയ്യുക.

വ്യാജരേഖ ചമയ്ക്കല്‍, വഞ്ചന എന്നീ കുറ്റങ്ങള്‍ക്കെതിരായ വകുപ്പുകള്‍ പ്രകാരമാണ് കേസെടുക്കുക. കുട്ടികളെ കടത്തുന്നത് തടയാന്‍ റെയില്‍വേ പോലീസിന് ജാഗ്രതാ നിര്‍ദ്ദേശം നല്‍കും. പോലീസിനേയും ഉദ്യോഗസ്ഥരേയും ബോധവത്ക്കരിക്കുന്നതിനായി പ്രത്യേക പരിപാടികള്‍ സംഘടിപ്പിക്കും. കേരളത്തില്‍ നിന്ന് തിരിച്ചെത്തിയ കുട്ടികള്‍ക്ക് മികച്ച വിദ്യാഭ്യാസം നല്‍കുന്നതിനായി ഗൊഡ്ഡയില്‍ റെസിഡന്‍ഷ്യല്‍ സ്‌കൂള്‍ സ്ഥാപിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha