സി.പി.ഐയ്‌ക്ക്‌ ശുഭപ്രതീക്ഷ: ലോക്‌സഭാ തെരഞ്ഞെടുപ്പോടെ ഇടത്‌ മുന്നണി വിപുലീകരണം, സി.എം.പി.യുടെ വരവ്‌ ചര്‍ച്ച ഉടന്‍
സര്‍ക്കാരിനെ താഴെയിറക്കിയേ തങ്ങള്‍ക്ക്‌ വിശ്രമുള്ളൂ എന്ന നിലപാടിലാണ്‌ സി.പി.ഐ. സി.പി.ഐ.യാണ്‌ ഭരണമുന്നണിയെ പിളര്‍ത്താനുള്ള ശ്രമങ്ങള്‍ക്ക്‌ തുടക്കമിട്ടത്‌. അത് മറ്റ് നേതാക്കള്‍ ഏറ്റുപിടിച്ചതോടെ ഭരണം മാറുമെന്ന തോന്നല്‍ പോലും ഉണ്ടായി. എല്ലാവരും അംഗബലത്തെപ്പറ്റി വീമ്പ്‌ പറയുമ്പോഴും ഐക്യമുന്നണിയുടെ ഐക്യം പോകുന്നതായാണ്‌ വിലയിരുത്തല്‍ . ചില ഐക്യമുന്നണി നേതാക്കള്‍ പരസ്യമായി രംഗത്തെത്തിയതോടെ ഐക്യമുന്നണി നേതാക്കള്‍ക്കും സംഗതിയുടെ ഗുരുതരാവസ്ഥ മനസിലായി. എന്നാല്‍ ഇതിനിടയ്‌ക്ക്‌ രക്ഷകനായ പി.സി. ജോര്‍ജ്‌ ഇടതുമുന്നണിയെ ഞെട്ടിക്കുമെന്നാണ്‌ പലരും കരുതുന്നത്‌. ഇടതുമുന്നണിയില്‍ നിന്നും ചിലരെ അടര്‍ത്തിയെടുക്കുമെന്ന്‌ പി.സി. പറയുന്നത് ആ മുന്നണിയേയും പ്രതിസന്ധിയിലാക്കുന്നുണ്ട്‌.
അതേസമയം അടുത്ത ലോക്‌സഭാ ഇലക്ഷനോടുകൂടി ഐക്യമുന്നണിയില്‍ നിന്നും പലരും ഇടതുമുന്നണിയിലേക്ക്‌ വരുമെന്നാണ്‌ സി.പി.ഐ. സംസ്ഥാന സെക്രട്ടറി പന്ന്യന്‍ രവീന്ദ്രന്‍ പറയുന്നത്. വിട്ടുപോയ പല കക്ഷികളും തിരിച്ചെത്തുമെന്നാണ്‌ കരുതുന്നത്‌. സി.എം.പി.യുടെ വരവ്‌ സംബന്ധിച്ച ചര്‍ച്ച അടുത്ത ഇടതുമുന്നണി യോഗത്തില്‍ ഉണ്ടാവുമെന്നും പന്ന്യന്‍ രവിന്ദ്രന്‍ പറഞ്ഞു.
https://www.facebook.com/Malayalivartha
