എന്‍ഡോസള്‍ഫാന്‍ ദുരിതബാധിതരുടെ കടങ്ങള്‍ എഴുതിത്തള്ളുമെന്ന്‌ മുഖ്യമന്ത്രി
എന്‍ഡോസള്‍ഫാന്‍ ദുരിതബാധിതരുടെ കടങ്ങള്‍ സര്‍ക്കാര്‍ എഴുതിത്തള്ളുമെന്ന്‌ സൂചന. കടം എഴുതിത്തള്ളാനുള്ള പദ്ധതി സജീവ പരിഗണനയിലാണെന്ന്‌ മുഖ്യമന്ത്രി നിയമസഭയില്‍ അറിയിച്ചു. ഇതു സംബന്ധിച്ച് പ്രതിപക്ഷനേതാവ്‌ വി എസ്‌ അച്യുതാനന്ദന്‍ സഭയില്‍ ഉന്നയിച്ച സബ്‌മിഷനു മറുപടിയായാണ്‌ അദ്ദേഹം ഇക്കാര്യം അറിയിച്ചത്‌.
കൂടുതല്‍ പേരെ ദുരിതബാധിതരുടെ പട്ടികയില്‍ ഉള്‍പ്പെടുത്തും. ഇക്കാര്യം തീരുമാനിക്കാന്‍ അടുത്ത ദിവസം ഉന്നതതലയോഗം ചേരുമെന്നും മുഖ്യമന്ത്രി അറിയിച്ചു.അതേസമയം, എന്‍ഡോസള്‍ഫാന്‍ ദുരിതബാധിതരായ കുടുംബം ജീവനൊടുക്കിയതിന്‌ സര്‍ക്കാരാണ്‌ ഉത്തരവാദിയെന്ന്‌ വിഎസ്‌ ആരോപിച്ചു.
ദുരിതബാധിതര്‍ക്ക്‌ മുന്‍ സര്‍ക്കാരിന്റെ കാലത്ത്‌ യാതൊരു സഹായവും നല്‍കിയില്ലെന്ന്‌ ഉമ്മന്‍ചാണ്ടി പറഞ്ഞു. ദുരിതമനുഭവിക്കുന്നവര്‍ക്ക്‌ സഹായം നല്‍കാന്‍ സര്‍ക്കാര്‍ പ്രതിജ്ഞാബദ്ധമാണെന്നും മുഖ്യമന്ത്രി പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
