സിബിഐ വരും... കുട്ടികളെ കേരളത്തിലേക്ക് കൊണ്ടു വന്ന സംഭവം സിബിഐ അന്വേഷിക്കുന്നതില് തെറ്റില്ലെന്ന് നിയമോപദേശം
അന്യ സംസ്ഥാനങ്ങളില് നിന്ന് കുട്ടികളെ കേരളത്തിലെ അനാഥാലയത്തിലേക്ക് കൊണ്ടുവന്ന സംഭവം അന്വേഷിക്കാന് സിബിഐ തയ്യാറായി. ഇക്കാര്യം ഇന്ന് ഹൈക്കോടതിയെ അറിയിക്കും. കഴിഞ്ഞ ദിവസം ചേര്ന്ന സിബിഐയുടെ ഉന്നതതല യോഗത്തിലായിരുന്നു ഇതു സംബന്ധിച്ച തീരുമാനം എടുത്തത്. ഇക്കാര്യം ഹൈക്കോടതിയെ അറിയിക്കും. കുട്ടിക്കടത്ത് അന്വേഷണം സിബിഐ ഏറ്റെടുക്കാമെന്ന നിയമോപദേശവും സിബിഐക്ക് ലഭിച്ചു.
വിവിധ സംസ്ഥാനങ്ങളില് നിന്നും കുട്ടികളെ കേരളത്തിലേക്ക് കടത്തിക്കൊണ്ടുവന്ന സംഭവം സിബിഐ അന്വേഷിക്കുന്നതാണ് നല്ലതെന്ന് ഹൈക്കോടതി ചീഫ് ജസ്റ്റിസ് മഞ്ജുള ചെല്ലൂര് ഉള്പ്പെട്ട ഡിവിഷന് ബെഞ്ച് അഭിപ്രായപ്പെട്ടിരുന്നു. കേസില് സിബിഐയെ കോടതി സ്വമേധയാ കക്ഷി ചേര്ക്കുകയും ചെയ്തിരുന്നു. ഇതേതുടര്ന്നാണ് സിബിഐ ഉന്നതതല യോഗം ചേര്ന്ന് നിയമോപദേശം തേടിയത്.
മറ്റ് സംസ്ഥാനങ്ങള് കൂടി ഉള്പ്പെട്ട കേസായതിനാലും അനാഥാലയങ്ങളില് വ്യാജ രേഖകളുണ്ടാക്കിയും രേഖകളില്ലാതെ കുട്ടികളെ കടത്തിയെന്നുമുള്ള ആരോപണങ്ങള് അന്വേഷിക്കുന്നതില് തെറ്റില്ലെന്ന നിയമോപദേശമാണ് സിബിഐക്ക് ലഭിച്ചത്.
മനുഷ്യക്കടത്ത് എന്ന നിലയിലായിരുന്നു കേസ് പോലീസ് ആദ്യം എടുത്തത്. എന്നാല് തുടര്ന്ന് മുസ്ലീംലീഗില് നിന്നുമുണ്ടായ ശക്തമായ എതിര്പ്പിനെ തുടര്ന്ന് മനുഷ്യക്കടത്തല്ലെന്ന് സര്ക്കാര് തന്നെ തീരുമാനിച്ചു. നടപടി ക്രമത്തില് ചില വീഴ്ചകള് മാത്രമാണെന്നായിരുന്നു പിന്നീടുള്ള സര്ക്കാരിന്റെ നലപാട്. എന്നാല് ഇത് മനുഷ്യ കടത്തായി തന്നെ മറ്റ് സംസ്ഥാനങ്ങള് കണക്കാക്കിയിരുന്നു. അവരും സിബിഐ അന്വേഷം ആവശ്യപ്പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha