ബേബി വി എസ് പക്ഷത്തേക്ക്
സിപിഎം പോളിറ്റ് ബ്യൂറോ അംഗം എം.എ ബേബിയെ രാജിയില് നിന്നും പിന്തിരിപ്പിക്കാന് സിപിഎം ജനറല് സെക്രട്ടറി പ്രകാശ് കാരാട്ട് അദ്ദേഹത്തിന്റെ കാലില് പിടിച്ചു. രാജിയില് നിന്നും പിന്മാറാന് സാധിക്കില്ലെന്ന് ഉറച്ച നിലപാടെടുത്ത ബേബിക്ക് മുമ്പില് സിപിഎം സാഷ്ടാംഗം നമസ്ക്കരിച്ചു. സംസ്ഥാന സെക്രട്ടറിയേറ്റ് ബേബി രാജി വയ്ക്കേണ്ടതില്ലെന്ന് തീരുമാനിച്ചപ്പോള് പോയി പണി നോക്കാനാണ് ബേബി പറഞ്ഞത്. പിണറായി വിജയനും ബേബിയും തമ്മില് നേര്ക്കുനേര് സംസാരിക്കുകയും ചെയ്തു. വിജയനും താനും പാര്ട്ടിയില് ഒരേ സ്ഥാനക്കാരാണെന്നും ആരും പ്രമാണി ചമയേണ്ടെന്നു ബേബി പറഞ്ഞു.
അതേസമയം ബേബിയെ തോല്പ്പിച്ചത് വി.എസാണെന്ന കണക്കുകൂട്ടലാണ് പിണറായി പക്ഷം സംസ്ഥാനകമ്മിറ്റിയില് അവതരിപ്പിച്ചത്. ബേബിയുടെ തോല്വിക്ക് കാരണം വിഎസാണെന്ന് യോഗത്തില് വിമര്ശനം ഉയര്ന്നു. എന്നാല് അതുമാത്രമല്ല കാരണമെന്ന് ബേബി അഭിപ്രായപ്പെട്ടു. പിണറായിയുടെ പരനാറിപ്രയോഗം മനസില് വച്ചായിരുന്നു ബേബിയുടെ പരോക്ഷവിമര്ശനം. പിണറായിക്കെതിരെ ബേബി പക്ഷം ആരോപണം നിരത്തിയപ്പോള് വിഎസിനെതിരെ പിണറായി പക്ഷം കടന്നാക്രമണം നടത്തി. ഇതിനിടെ കൊല്ലത്തെ തോല്വി സംബന്ധിച്ച് അന്വേഷണം വേണമെങ്കില് അത് ബേബിക്ക് പോളിറ്റ് ബ്യൂറോയില് ഉന്നയിക്കുന്നതാണെന്നും കാരാട്ട് പറഞ്ഞു. ഇതിനിടെ ബേബിയോട് കുണ്ടറയില് ശ്രദ്ധ കേന്ദ്രീകരിക്കാനും പാര്ട്ടി ആവശ്യപ്പെട്ടു. ഡല്ഹിയിലെ വിശാലമായ ലോകം സ്വപ്നം കണ്ട ബേബിക്ക് ഇത് വലിയ പ്രഹരമായി. അമൃതാനന്ദമയിക്കെതിരെ കൈരളി ടി.വി സംപ്രേക്ഷണം ചെയ്ത അഭിമുഖം തനിക്ക് വിനയായെന്ന് ബേബി പറഞ്ഞു. കൊല്ലം ആസ്ഥാനമായുള്ള അമൃതാനന്ദമയീമഠത്തിന് കൊല്ലം പാര്ലമെന്റ് മണ്ഡലത്തില് മികച്ച സ്വാധീനമുണ്ട്. ബേബിയെ കൊല്ലത്ത് തോല്പ്പിക്കണമെന്ന് അമൃതാനന്ദമയീ അവരുടെ അടുത്ത വൃത്തങ്ങളോട് ആവശ്യപ്പെട്ടു എന്നാണ് അറിവ്.
രാജി ആവശ്യം ബേബി കേന്ദ്രകമ്മിറ്റിയിലും അവതരിപ്പിക്കും. കേന്ദ്രകമ്മിറ്റിയും അത് അംഗീകരിക്കാന് ഇടയില്ല. ഏതായാലും കുണ്ടറയില് ശ്രദ്ധ കേന്ദ്രീകരിക്കാന് ബേബി നില്ക്കില്ല. കുണ്ടറയില് ഉപതെരഞ്ഞെടുപ്പ് വന്നാല് സിപിഎം ജയിക്കില്ലെന്ന് തന്നെയാണ് പാര്ട്ടിയുടെ കണക്കുകൂട്ടല്. പാര്ട്ടി രാജിക്ക് അനുവാദം നല്കിയിരുന്നാലും ബേബി കുണ്ടറയില് തിരിഞ്ഞുനോക്കില്ല. പകരം ഡല്ഹി കേന്ദ്രീകരിച്ച് പ്രവര്ത്തിക്കും. കാരാട്ടിനും യച്ചൂരിക്കും ബേബിയെ ഡല്ഹിയില് കൊണ്ടുപോകാന് താല്പര്യമുണ്ട്. പാര്ട്ടിയെ അഖിലേന്ത്യാടിസ്ഥാനത്തില് ശക്തിപ്പെടുത്തേണ്ട താന് കുണ്ടറപോലൊരു കുണ്ടറയില് ഒതുങ്ങാന് തയ്യാറല്ല.
അതേസമയം എം.എ.ബേബി വി.എസുമായി അടുക്കുന്നതായും സൂചനയുണ്ട്. തന്റെ പരാജയത്തില് വിഎസിന് യാതൊരു പങ്കുമില്ലെന്നു തന്നെയാണ് ബേബി വിശ്വസിക്കുന്നത്. ഏതായാലും കാലില് നമസ്കരിച്ച് പിന്വലിച്ച രാജിയില് ബേബി ഉറച്ചു നിന്നാല് പാര്ട്ടി ഔദ്യോഗികപക്ഷം വീണ്ടും പ്രതിസന്ധിയിലാവും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha