ചലച്ചിത്ര അക്കാഡമിയുടെ ആര്ട്ടിസ്റ്റിക് ഡയറക്ടര് സ്ഥാനത്തു നിന്നും ബീന പോളിനെ നീക്കി
അടൂര് ഗോപാലകൃഷ്ണന് , ഷാജി എന് കരുണ് തുടങ്ങിയ വിശ്വോത്തര സംവിധായകരായിരിക്കും ഇനി മുതല് ചലച്ചിത്ര അക്കാഡമിയുടെ അക്കാഡമിക് കാര്യങ്ങള് നോക്കുന്നത്. ഇതുകൂടാതെ ഇവരായിരിക്കും തിരുവനന്തപുരം അന്താരാഷ്ട്ര ഫിലിം ഫെസ്റ്റിവലിലെ സിനിമകള് തെരഞ്ഞടുക്കുന്നത്.
സര്ക്കാരും മന്ത്രിയും അറിയാതെ ബീനാപോള് അക്കാഡമിയിലെ പല കാര്യങ്ങളും ചെയ്തിരുന്നു. കഴിഞ്ഞ രണ്ടു മേളകളില് മോശം സിനിമകള് പ്രദര്ശിപ്പിച്ചു എന്നതും മന്ത്രിയെ ചൊടിപ്പിച്ചു. തനിക്ക് താത്പര്യമുള്ള വിദേശ സംവിധായകരുടെ ചിത്രങ്ങള് ഒരു മാനദണ്ഡവും നോക്കാതെ ചലച്ചിത്ര മേളയില് തിരുകിക്കയറ്റി എന്ന ആക്ഷേപവുമുണ്ട്. ഇതിന് പകരമായി അവരെ സ്വാധീനിച്ച് തന്റെ അടുപ്പക്കാരുടെ സിനിമകള് വിദേശ മേളകളില് പ്രദര്ശിപ്പിക്കാനുള്ള അനുമതിയും നേടിക്കൊടുത്തു. ഇത്തരത്തിലുള്ള നിരവധി പരാതികളെ തുടര്ന്നാണ് മന്ത്രി ബീനാപോളിനെ നീക്കിയത്
വിവാദങ്ങള്ക്കിടെ ഒരാഴ്ച മുമ്പ് ബീനാപോള് രാജിക്കത്ത് നല്കിയിരുന്നു എന്നും അറിയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha