ഫേസ്ബുക്കിലൂടെ തനിക്ക് അശ്ലീല സന്ദേശം അയച്ച് കിന്നരിക്കാനെത്തിയ സീരിയല്‍ നടനെ അതേ മാധ്യമത്തിലൂടെ കുടുക്കി എട്ടിന്റെ പണികൊടുത്തിരിക്കുകയാണ് ട്രാന്‍സ്ജെന്‍ഡര്‍ ബ്രൈഡല്‍ മേക്കപ്പ് ആര്‍ട്ടിസ്റ്റായ വിനീത് സീമ. 'ദാരിദ്ര്യം പിടിച്ച സീരിയല്‍ നടന്റെ രോദനം ആരെങ്കിലും ഒന്നു കേള്‍ക്കൂ പ്ലീസ് 'എന്ന തലക്കെട്ടിലാണ് ഫേസ്ബുക്ക് ചാറ്റിന്റെ സ്ക്രീന്‍ ഷോട്ടടക്കം പോസ്റ്റ് ചെയതത്.

സ്വകാര്യ ചിത്രങ്ങള്‍ അയച്ചുതരാന്‍ യഹിയ വിനീത് സീമയോട് ആവശ്യപ്പെട്ടു. സൗഹൃദം തുടങ്ങാന്‍ താത്പര്യമുണ്ടെന്ന് പറഞ്ഞാണ് ഇയാള്‍ ചാറ്റിംഗ് തുടങ്ങിയത്. നിരവധി ആളുകള്‍ തന്റെ സൗഹൃദത്തിനായി കാത്തിനില്‍ക്കുകയാണെന്നും ഫ്രണ്ട്ഷിപ്പ് ചോദിക്കുമ്പോള്‍ വേണ്ട എന്ന് പറയുന്നത് ശരിയല്ലെന്നും യഹിയ സന്ദേശത്തില്‍ പറയുന്നു. എന്നാല്‍ അത്തരത്തില്‍ പലരും ഉണ്ടാകുമെന്നും എന്നാല്‍ തനിക്ക് സൗഹൃദം വേണ്ടെന്നുമാണ് വിനീത് സീമ മറുപടി നല്‍കിയത്.

ഞാന്‍ തന്റെ സെക്‌സി ഫോട്ടോകളില്‍ ആകൃഷ്ടനായെന്നും അതിനാലാണ് കൂടുതല്‍ ഫോട്ടോകള്‍ ആവശ്യപ്പെട്ടതെന്നും എന്നാല്‍ താന്‍ നല്ലൊരു വ്യക്തിയല്ലെന്നും യഹിയ പറയുന്നു. ശല്യം സഹിക്കവയ്യാതെ ആയതോടെയാണ് വിനീത് സീമ ഇവയുടെ സ്‌ക്രീന്‍ ഷോട്ട് എടുത്ത് ഫെയ്‌സ്ബുക്കിലൂടെ പോസ്റ്റ് ചെയ്തത്. ഇത് പലരും ഷെയര്‍ ചെയ്തതോടെ നടന്‍ ഫേസ്ബുക്ക് അക്കൗണ്ട് പൂട്ടി സ്ഥലംവിട്ടു. മലയാളത്തിലെ പ്രമുഖ ചാനലിലടക്കം കുടുംബ സ്‌നേഹിയായ ഭര്‍ത്താവിന്റെ റോള്‍ ചെയ്യുന്ന നടനാണ് കക്ഷിയെന്നതാണ് ഏറെ വിചിത്രം.

തുടര്‍ന്നുള്ള പോസ്റ്റില്‍ വിനീത് സീമ ഇങ്ങനെ അഭ്യര്‍ത്ഥിക്കുന്നു: 'മനുഷ്യര്‍ പലരും പല വിധം ആണ് പലരുടെയും സ്വഭാവം വത്യസ്തമാണ് എല്ലാരേയും സന്തോഷിപ്പിച്ചും സുഖിപ്പിച്ചും ജീവിക്കാന്‍ കഴിയില്ല എന്റെ ജീവിതത്തില്‍ എനിക്ക് വ്യക്തമായ നിലപാട് ഉണ്ട്.ആരുടേയും വാക്കുകള്‍ക്ക് അടിയറവു പറയാന്‍ ഉള്ളത് അല്ല എന്റെ ജീവിതം ഒരുപാട് ആഗ്രഹങ്ങള്‍ ഒന്നും ഇല്ല.ഞാന്‍ ഇങ്ങനെ ജീവിച്ചു പൊയ്ക്കോട്ടേ ശല്യം ചെയ്യരുത്'