ഐ.എ.എസ് ശീമാസമരത്തിന് പിന്നില് സിപിഎം ; വീണ്ടും അട്ടിമറിശ്രമം
ചീഫ് സെക്രട്ടറി ഇ.കെ ഭരത്ഭൂഷണെ താന് പൂര്ണമായും സംരക്ഷിക്കുമെന്നും അദ്ദേഹത്തിനെതിരെ ഒരു നീക്കവും അനുവദിക്കില്ലെന്നും മുഖ്യമന്ത്രി ഉമ്മന്ചാണ്ടി വ്യക്തമാക്കി. ഭരത്ഭൂഷനെതിരെ തന്നെ വന്നു കണ്ട ഐ.എ.എസ് അസോസിയേഷനോടാണ് ഭകത്ഭൂഷണ് തന്റെ ചാവേറാണെന്നും അദ്ദേഹത്തെ തൊടാന് അനുവദിക്കില്ലെന്നും മുഖ്യമന്ത്രി വ്യക്തമാക്കിയത്. ഇതിനിടെ നിയമസഭയില് ഭരത്ഭൂഷണെതിരെ ഉയര്ന്ന ആരോപണങ്ങള് മുഖ്യമന്ത്രി നിഷ്ക്കരുണം തള്ളുകയും ചെയ്തു. ചീഫ് സെക്രട്ടറിയുടെ സ്വത്തു വിവരങ്ങളെല്ലാം തനിക്കറിയാമെന്നും അതിനെതിരെ സംസാരിക്കാന് ആരെയും അനുവദിക്കില്ലെന്നുമാണ് ഉമ്മന്ചാണ്ടി വ്യക്തമാക്കിയത്. ഭരത്ഭൂഷണെതിരെ കരുക്കള് നീക്കുന്നത് അച്യുതാനന്ദനാണെന്ന് മനസിലാക്കിയ സാഹചര്യത്തിലാണ് ചീഫ്സെക്രട്ടറിയെ പൂര്ണമായും സംരക്ഷിക്കാന്ഡ ഉമ്മന്ചാണ്ടി തീരുമാനിച്ചത്. ഭരത്ഭൂഷണെതിരെയുള്ള ആരോപണങ്ങള് അവസാനിപ്പിക്കുന്നതാണ് സുരേഷ്കുമാറിനും രാജുനാരായണസ്വാമിക്കും നല്ലതെന്ന സൂചനയും ഉമ്മന്ചാണ്ടി നല്കി. തിങ്കളാഴ്ച വൈകി മുഖ്യമന്ത്രിയെ കണ്ട ഐ.എ.എസ് അസോസിയേഷന് നേതാക്കള്ക്കൊപ്പം സ്വാമിയും സുരേഷുമുണ്ടായിരുന്നു. ഇരുവരെയും കണ്ടെങ്കിലും മുഖ്യമന്ത്രി കണ്ടഭാവം നടിച്ചില്ല. ഒടുവില് ചീഫ്സെക്രട്ടറിക്കെതിരെ ഇവര് ആരോപണങ്ങള് ഉന്നയിച്ചപ്പോള് മര്യാദയോടെ ജോലിചെയ്യുന്നതാണ് ഉദ്യോഗസ്ഥര്ക്ക് നല്ലതെന്ന് പറയാന് മുഖ്യമന്ത്രി മറന്നില്ല. ഊണിലും ഉറക്കത്തിലും ഒപ്പം കൊണ്ടു നടന്ന സുരേഷിന് നിയമനം നല്കിയത് താനാണെന്ന് ഉമ്മന്ചാണ്ടി വി.എസിനും മറുപടി നല്കി.
കെ.എം.ചന്ദ്രശേഖറിന്റെ മധ്യസ്ഥതയില് പ്രശ്നങ്ങള് അവസാനിപ്പിക്കണമെന്ന് പറഞ്ഞപ്പോള് അത് പോരെന്ന് പറഞ്ഞ ഐ.എ.എസ് അസോസിയേഷന് നേതാക്കളോട് എങ്കില് തല്ലി തീര്ക്കാനാണ് മുഖ്യമന്ത്രി ഉപദേശിച്ചത്. ഇത്തരം അസ്വാരസ്യങ്ങള് ഒരു തരത്തിലും അനുവദിക്കില്ലെന്നും മുഖ്യമന്ത്രി പറഞ്ഞു. ഇതിനിടെ ടോം ജോസിനെതിരെയുള്ള ആരോപണങ്ങളെക്കുറിച്ചും മുഖ്യമന്ത്രി ആരാഞ്ഞു.
ഐ.എ.എസ് അസോസിയേഷന് സര്ക്കാരിന് എതിരായതിനു പിന്നില് കെ. സുരേഷ്കുമാറാണെന്നാണ് മുഖ്യമന്ത്രിയുടെ വിശ്വാസം. സുരേഷ്കുമാറിനൊപ്പം സ്വാമിയും സര്ക്കാരിനെതിരെ നീങ്ങിയെന്ന് മുഖ്യമന്ത്രി വിശ്വസിക്കുന്നു. സുരേഷ്കുമാറിനെ സര്ക്കാരിന് എതിരാക്കിയത് വി.എസാണെന്നും മുഖ്യമന്ത്രി വിശ്വസിക്കുന്നു. ഭരത്ഭൂഷണെതിരെയുള്ള ആരോപണങ്ങള് വി.എസിന് നല്കിയത് സുരേഷ്കുമാറാണെന്നും സര്ക്കാര് രേഖകള് ഇടതുപാളയത്തിലെത്തിക്കാന് ചില ഉദ്യോഗസ്ഥര് ശ്രമിക്കുകയാണെന്നും ഉമ്മന്ചാണ്ടി വിശ്വസിക്കുന്നു.
ഐ.എ.എസ് ഉദ്യോഗസ്ഥരെ ഒരുമിച്ചാക്കി സര്ക്കാരിനെതിരെ തിരിച്ചതിനു പിന്നില് സിപിഎമ്മിന്റെ നിഗൂഢഅജണ്ടയാണുള്ളതെന്നും ഉമ്മന്ചാണ്ടി വിശ്വസിക്കുന്നു. സുരേഷ്കുമാര് വി.എസിന്റെ ആളാണെങ്കിലും സിപിഎമ്മിലെ മറ്റ് ചില നേതാക്കളുമായി അദ്ദേഹത്തിന് അടുത്ത ബന്ധമുണ്ടെന്നും ഉമ്മന്ചാണ്ടി വിശ്വസിക്കുന്നു. ഭരത്ഭൂഷണ് സര്ക്കാരിന്റെ വിശ്വസ്തനാണ്. ഉമ്മന്ചാണ്ടി പറയുന്നതു മാത്രമാണ് അദ്ദേഹം അനുസരിക്കുന്നത്.
രമേശ്ചെന്നിത്തലയെ ഭരത്ഭൂഷണ് ധിക്കരിച്ചുവെന്ന വി.എസിന്റെ ആരോപണം മുഖ്യമന്ത്രി പുച്ഛിച്ച് തള്ളുകയാണുണ്ടായത്. ചെന്നിത്തലയെയല്ല ഒരു മന്ത്രിയെയും ചീഫ് സെക്രട്ടറി ധിക്കരിച്ചിട്ടില്ലെന്നും ഉമ്മന്ചാണ്ടി പറഞ്ഞു. ഭരത്ഭൂഷനെ തനിക്ക് പരിപൂര്ണ്ണ വിശ്വാസമാണെന്നും അദ്ദേഹത്തിന് വി.എസ്. സ്വഭാവസര്ട്ടിഫിക്കറ്റ് നല്കേണ്ടെന്നും മുഖ്യമന്ത്രി പറഞ്ഞു. ഏതുവിധേനയും ഭരണം അട്ടിമറിക്കാന് നടക്കുന്ന സിപിഎം ഐഎഎസുകാരെ പിണക്കി പുതിയ വഴി തേടുന്നത് അപകടമാണെന്നും ഇതിനെതിരം ജാഗ്രത പുലര്ത്തണമെന്നും ഉമ്മന്ചാണ്ടി കോണ്ഗ്രസ് നേതാക്കള്ക്ക് നിര്ദ്ദേശം നല്കി.
https://www.facebook.com/Malayalivartha