ഫേസ് ബുക്കിലെ സ്ത്രീകളുടെ പ്രൊഫൈൽ ഫോട്ടോ വച്ച് സ്ത്രീകളെയും കോളേജ് വിദ്യാർത്ഥിനികളെയും വലയിൽ വീഴ്ത്തുന്നയാളെ പോത്തൻകോട് പൊലീസ് അറസ്റ്റുചെയ്തു. വെ​മ്പാ​യം മൈ​ലാ​ടും​മു​ക​ൾ രാ​ഗാ​ല​യം വീ​ട്ടി​ൽ ഉ​ണ്ണി എ​ന്നു​വി​ളി​ക്കു​ന്ന രാ​കേ​ഷ് (25)ആ​ണ് പോ​ത്ത​ന്‍​കോ​ട് പോ​ലീ​സി​ന്‍റെ പി​ടി​യി​ലാ​യ​ത്. സ്ത്രീ​ക​ളു​ടെ ഫെ​യ്സ് ബു​ക്ക് പ്രൊ​ഫൈ​ൽ ഫോ​ട്ടോ​യെ​ടു​ത്തു ന​ഗ്ന ചി​ത്ര​മു​ണ്ടാ​ക്കി അ​വ സ​മൂ​ഹ മാ​ധ്യ​മ​ങ്ങ​ളി​ല്‍ പ്ര​ച​രി​പ്പി​ക്കു​മെ​ന്ന് ഭീ​ക്ഷ​ണി​പ്പെ​ടു​ത്തി പെ​ണ്‍​കു​ട്ടി​ക​ളെ​യും വീ​ട്ട​മ്മ​മാ​രെ​യും വ​ല​യി​ലാ​ക്കു​ന്നതാണ് ഇയാളുടെ ഹോബി.

ഫേ​സ്ബു​ക്ക് സൗ​ഹൃ​ദ​മു​ള്ള പെ​ണ്‍​കു​ട്ടി​ക​ളു​ടെ പ്രൊ​ഫൈ​ല്‍ ഫോ​ട്ടോ എ​ടു​ത്തു ന​ഗ്ന ചി​ത്ര​മു​ണ്ടാ​ക്കി അ​ശ്ലീ​ല ഫോ​ട്ടോ​ക​ൾ അ​യ​ച്ചു ത​രു​ന്ന​തി​നും ഭീ​ഷ​ണി​പ്പെ​ടു​ത്തു​ക​യു​മാ​ണ് പ്ര​തി ചെ​യ്തി​രു​ന്ന​തെ​ന്ന് പോ​ലീ​സ് പ​റ​ഞ്ഞു. പ്ര​തി​യി​ൽ നി​ന്നും പി​ടി​ച്ചെ​ടു​ത്ത മൊ​ബൈ​ലി​ൽ നി​ര​വ​ധി വി​ദ്യാ​ർ​ഥി​ക​ളു​ടെ​യും വീ​ട്ട​മ്മ​മാ​രു​ടെ​യും ചി​ത്ര​ങ്ങ​ൾ മോ​ർ​ഫു​ചെ​യ്യു​ന്ന​തി​നാ​യി ശ്ര​മം ന​ട​ത്തു​ക​യും ഫോ​ട്ടോ​ക​ൾ ശേ​ഖ​രി​ച്ചു വ​ച്ചി​ട്ടു​ള്ള​താ​യും ക​ണ്ടെ​ത്തി​യി​ട്ടു​ണ്ട്.

തി​രു​വ​ന​ന്ത​പു​രം റൂ​റ​ൽ എ​സ്പി പി. ​അ​ശോ​ക് കു​മാ​ർ , സൈ​ബ​ർ സെ​ല്ലി​ന്‍റെ​യും ഷാ​ഡോ പോ​ലീ​സി​ന്‍റെ​യും ചാ​ർ​ജ് വ​ഹി​ക്കു​ന്ന ഡി​വൈ​എ​സ്പി അ​ശോ​ക​ൻ ആ​റ്റി​ങ്ങ​ൽ എ ​എ​സ്പി ആ​ദി​ത്യ എ​ന്നി​വ​രു​ടെ നി​ർ​ദ്ദേ​ശാ​നു​സ​ര​ണം പോ​ത്ത​ൻ​കോ​ട് സി​ഐ എ​സ്. ഷാ​ജി, എ​സ്ഐ അ​ശ്വ​നി എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്. അ​റ​സ്റ്റി​ലാ​യ പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.