നടന്‍ ദിലീപിന് പിന്തുണയുമായി എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍ രംഗത്ത്. തനിക്ക് ഏറെ ഇഷ്ടപ്പെട്ട നടനാണ് ദിലീപെന്ന് വെള്ളാപ്പള്ളി പറഞ്ഞു.ദിലീപ് ജയിലില്‍ കിടക്കാന്‍ കാരണം കാലദോഷമാണെന്നും അദ്ദേഹം പറഞ്ഞു.
തനിക്ക് ഇഷ്ടപ്പെട്ടൊരു നടനാണ് ഇപ്പോള്‍ ജയിലില്‍ കിടക്കുന്നതെന്നും വെളളാപ്പളളി ഒരു അഭിമുഖത്തില്‍ വ്യക്തമാക്കുന്നു. കാലദോഷം കൊണ്ടാണ് അയാള്‍ ഇപ്പോള്‍ അകത്തായി പോയത്.നിങ്ങളൊന്ന് ആലോചിച്ച് നോക്ക്, ഇപ്പോള്‍ കുറെ ആളുകള്‍ അദ്ദേഹത്തെ കാണാനായി ചെല്ലുന്നുണ്ട്. 
എന്തുകൊണ്ടാണ് അദ്ദേഹം അകത്തായിട്ട് ഇതുവരെ അവരൊന്നും മിണ്ടാതിരുന്നത്. ആദ്യമെ താന്‍ പറഞ്ഞിരുന്നതാണ് ഇത് കുറച്ച് കടന്നുപോയെന്ന്, ടിവിയിലൊക്കെ ഇപ്പോള്‍ ഇതുതന്നെയല്ലേ കാണിക്കുന്നതെന്നും വെളളാപ്പളളി പറഞ്ഞു. മാധ്യമങ്ങള്‍ക്ക് ദിലീപിനോട് എന്തിനാണ് ഇത്ര ദേഷ്യമെന്നും അദ്ദേഹം ചോദിച്ചു.