പാറ്റൂര് ഭൂമി കൈയ്യേറ്റം; റവന്യൂ വകുപ്പിനെതിരെ വിജിലന്സ് റിപ്പോര്ട്ട്
പാറ്റൂര് ഭൂമി വിഷയത്തില് റവന്യൂ വകുപ്പിനെതിരേ വിജിലന്സ് റിപ്പോര്ട്ട്. കേസില് റവന്യൂ വകുപ്പിന്റെ കള്ളക്കളി നടന്നതായി വിജിലന്സ് ആരോപിച്ചു. പാറ്റൂരിലെ 17 സെന്റ് പുറമ്പോക്ക് ഭൂമിയെന്ന് താലൂക്ക് സര്വേയര് കണ്ടെത്തിയിട്ടും നിര്മാണപ്രവര്ത്തനങ്ങള് സര്ക്കാര് തടഞ്ഞില്ല. കയ്യേറ്റം തടയാന് റവന്യു വകുപ്പിന്റെ ഭാഗത്തുനിന്നും ഒരു നടപടിയും റവന്യു വകുപ്പ് സ്വീകരിച്ചില്ലെന്നും വിജിലന്സ് റിപ്പോര്ട്ട് അറിയിച്ചു.
പാറ്റൂര് കേസില് വന്കിട കമ്പനികള്ക്ക് വഴിവിട്ട് ഒരു സഹായവും നല്കിയില്ലെന്ന് മുഖ്യമന്ത്രിയും റവന്യു മന്ത്രിയും അറിയിച്ചിരുന്നു. അതേസമയം വിഷയം നിയമസഭയ്ക്കുള്ളിലും വലിയ പ്രതിപക്ഷ പ്രതിഷേധങ്ങള്ക്ക് ഇടയാക്കി. ഇടപാടില് സര്ക്കാരിന് എത്ര കോടി കിട്ടിയെന്ന പ്രതിപക്ഷനേതാവ് വി.എസ്. അച്യുതാനന്ദന്റെ പരാമര്ശം സഭയില് ഭരണപക്ഷ-പ്രതിപക്ഷ വാക്കേറ്റത്തിന് കാരണമായി.
പാറ്റൂരിലെ വിവാദ ഫ്ളാറ്റ് നിര്മാണത്തിനായി ജല അതോറിറ്റിയുടെ ഭൂമി കൈയേറിയതായി വിജിലന്സ് ആന്ഡ് ആന്റി കറപ്ഷന് ബ്യൂറോ സര്ക്കാരിനു നേരത്തേ നല്കിയ റിപ്പോര്ട്ടില് സൂചിപ്പിച്ചിരുന്നു. ഇതുമായി ബന്ധപ്പെട്ട് ഒരു വര്ഷം മുന്പു വിജിലന്സ് ഡയറക്ടര് സര്ക്കാരിനു നല്കിയ റിപ്പോര്ട്ടിലാണ് ഇക്കാര്യം സൂചിപ്പിച്ചിരുന്നത്.
എന്നാല്, വിജിലന്സ് റിപ്പോര്ട്ട് സര്ക്കാര് മുഖവിലയ്ക്കെടുക്കാതെ മുന്നോട്ടുപോയതാണ് വിവാദങ്ങള്ക്ക് ഇടയാക്കിയത്. വിജിലന്സ് റിപ്പോര്ട്ടിനുശേഷം ലാന്ഡ് റവന്യു കമ്മീഷണറുടേത് ഉള്പ്പെടെ നിരവധി റിപ്പോര്ട്ടുകള് ഇതുമായി ബന്ധപ്പെട്ടു സര്ക്കാരിനു ലഭിച്ചു. എന്നാല്, ഇക്കാര്യം നിയമസഭയില് വിവാദമായതിനു ശേഷമാണ് ഇതെല്ലാം പുറത്തുവന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha