ഇറാഖിലെ മലയാളി നഴ്സുമാര് നാട്ടിലേക്ക് തിരിക്കുന്നു; മോചനവാര്ത്തയ്ക്ക് മുഖ്യമന്ത്രിയുടെ ഓഫീസിന്റെ സ്ഥിരീകരണം
മൊസൂളിലെ നഴ്സുമാരുടെ മോചനം ഉടന് ഉണ്ടാകുമെന്ന് വിവരം. വിമാനത്താവളത്തിലേക്ക് പോകുന്നതിന് തയാറാകാന് വിമത നേതാവ് പറഞ്ഞതായി വിമതരുടെ പിടിയിലുള്ള നഴ്സ് സയോണ പാലക്കാട്ടെ ബന്ധുക്കളെ അറിയിച്ചു. ഉച്ചക്ക് 12 നാണ് സയോണ ബന്ധുക്കളെ ഫോണില് ബന്ധപ്പെട്ടത്. തങ്ങള് ഉടന് പുറപ്പെടുകയാണെന്നും സയോണ പറഞ്ഞു.
മൊസൂളിന് സമീപമുള്ള ഇര്ബില് വിമാനത്താവളത്തിലേക്കാണ് നഴ്സുമാരെ കൊണ്ടുപോകുന്നത്. നഴ്സുമാര് വിമാനത്താവളത്തില് എത്തിയാല് ഇവരെ തിരികെയെത്തിക്കാന് ഇന്ത്യ പ്രത്യേക വിമാനം അയക്കുമെന്ന് അറിയുന്നു.അല്പ്പ സമയത്തിനകം നഴ്സുമാര് ഇര്ബില് വിമാനത്താവളത്തിലേക്ക് തിരിക്കുമെന്നാണ് അറിയുന്നത്. ഇക്കാര്യത്തില് ഔദ്യോഗികമായ വിശദീകരണം ലഭ്യമായിട്ടില്ല. നഴ്സുമാരുടെ ബന്ധുക്കളാണ് വിവരം നല്കിയത്. നാട്ടിലേക്ക് മടങ്ങാന് തയ്യാറാവാന് വിമതര് പറഞ്ഞതായി നഴ്സുമാര് അറിയിച്ചതായാണ് ബന്ധുക്കള് പറയുന്നത്. അതേസമയം മൊസൂളിലെ നഴ്സുമാരുടെ മോചനവാര്ത്തക്ക് സ്ഥിരീകരണം. മൊസൂളില് നിന്ന് നഴ്സുമാരെ അടുത്തുള്ള വിമാനത്താവളത്തിലേക്ക് വിമതര് കൊണ്ടുപോകുന്നതായി മുഖ്യമന്ത്രിയുടെ ഓഫീസാണ് സ്ഥിരീകരിച്ചിരിക്കുന്നത്. നഴ്സുമാരെ കൊണ്ടുവരുന്നതിനായി മൂന്ന് വിമാനങ്ങള് തയാറാക്കിനിര്ത്തിയിരിക്കുന്നതായും വിവരം ഉണ്ട്. തിരുവനന്തപുരത്തും ഡല്ഹിയിലും ദുബൈയിലുമാണ് വിമാനം തയാറാക്കി നിര്ത്തിയിരിക്കുന്നത്.
തിക്രീത്തിലെ ആശുപത്രിയില് കുടുങ്ങിയ 46 നഴ്സുമാരെയാണ് സുന്നി വിമതര് 240 കിലോമീറ്റര് അകലെയുളള മൊസൂള് പട്ടണത്തിലേക്ക് മാറ്റിയത്. നഴ്സുമാരില് ഒരു തമിഴ്നാട് സ്വദേശിയും ബാക്കിയെല്ലാം മലയാളികളുമാണ്
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha