മുഖ്യമന്ത്രി അങ്ങനെ മനസ്‌ തുറന്നു, യാമിനി തങ്കച്ചിയുടെ കത്ത്‌ മാധ്യമസൃഷ്‌ടി, കത്തയച്ചെന്ന്‌ പി.സി.യും പറഞ്ഞിട്ടില്ല
ഒരു കത്തിലെന്തിരിക്കുന്നു എന്നൊന്നും ചോദിക്കരുത്‌. ഇപ്പോള്‍ ഒരു കത്താണ്‌ കേരത്തിലെ താരം. വനം മന്ത്രി കെ.ബി. ഗണേഷ്‌കുമാറിന്റെ ഭാര്യ യാമിനി തങ്കച്ചി മുഖ്യമന്ത്രിക്ക്‌ ഒരു പരാതിക്കത്ത്‌ നല്‍കി എന്നായിരുന്നു കേരത്തിലെ പ്രധാന ചര്‍ച്ച. മന്ത്രിയുടെ വീണ്ടും ചില വീട്ടുകാര്യങ്ങള്‍ ഭാര്യതന്നെ മുഖ്യമന്ത്രിക്ക്‌ എഴുതിക്കൊടുത്തു എന്ന്‌ പത്രങ്ങളായ പത്രങ്ങളെല്ലാം വ്യാഖ്യാനിച്ചു. ചീഫ്‌ വിപ്പ്‌ പി.സി. തോമസ്‌ അതിന്‌ അടിവരയിടുകയും ചെയ്തു. യാമിനി മുഖ്യമന്ത്രിയെ കണ്ട്‌ ഗണേഷ്‌കുമാറിനെതിരെ പരാതി നല്‍കിയെന്നും മുഖ്യമന്ത്രി അത്‌ വാങ്ങാന്‍ നിന്നില്ലെന്നും പരക്കെ വാര്‍ത്ത പടര്‍ന്നു.
മന്ത്രിപീഡനത്തിനെതിരെയുള്ള പരാതി പോലും മുഖ്യമന്ത്രിക്ക്‌ പരിഹരിക്കാന്‍ കഴിയാത്തതിനാല്‍ പ്രതിപക്ഷവും രംഗത്തെത്തി.
ഇത്രയൊക്കെയായിട്ടും മുഖ്യമന്ത്രി ഉമ്മന്‍ ചാണ്ടി, ഗണേഷ്‌കുമാര്‍ പ്രശ്‌നത്തില്‍ പത്രക്കാരോട്‌ ഒന്നും പറയാന്‍ നിന്നില്ല. ചാനലുകളായ ചാനലുകള്‍ എന്തെങ്കിലുമൊന്നു കിട്ടാന്‍ മുഖ്യമന്ത്രിയെ കാത്തുനിന്നു. അങ്ങനെ മുഖ്യമന്ത്രി ഇന്ന് മനസ്‌ തുറന്നു. ഗണേഷ്‌കുമാറിന്റെ ഭാര്യ യാമിനി തങ്കച്ചി തനിക്ക്‌ കത്ത്‌ നല്‍കിയിട്ടില്ല. അത്‌ മാധ്യമസൃഷ്‌ടി മാത്രമാണ്‌. കത്ത്‌ നല്‍കിയിട്ടുണ്ടെന്ന്‌ പി.സി. ജോര്‍ജ്‌ പറഞ്ഞിട്ടില്ലെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
