അവര് ഭീകരരല്ല? മലയാളി നഴ്സുമാരെ നാട്ടിലെത്തിച്ച പട്ടാളക്കാരെ ഭീകരരെന്ന് അധിക്ഷേപിക്കരുതെന്ന് വിഎസ് അച്യുതാനന്ദന്
ഇറാക്കില് നിന്നും മടങ്ങിയെത്തിയ നഴ്സുമാരുടെ അഭിപ്രായത്തോടെയാണ് ഭീകരര്ക്കും മാനുഷികമുഖമുണ്ടെന്ന് ലോകം തിരിച്ചറിഞ്ഞത്. തങ്ങളെ പോറല് പോലും ഏല്പ്പിക്കാതെ സംരക്ഷണം നല്കിയ അവരെ സഹോദരന്മാരായാണ് നഴ്സുമാര് വിശേഷിപ്പിച്ചത്. കുടിക്കാന് വെള്ളവും കഴിക്കാന് ഭക്ഷണവും അവര് നല്കി. മാത്രമല്ല അവര് തങ്ങളെ യാതൊരു വിധത്തിലും ശല്യപ്പെടുത്തിയില്ലെന്നും നഴ്സുമാര് പറഞ്ഞിരുന്നു.
നഴ്സുമാരെ വിമതര് മോചിപ്പിച്ചത് വഴി വലിയ ജന പിന്തുണയാണ് അവര്ക്ക് ലഭിച്ചു കൊണ്ടിരിക്കുന്നത്. നഴ്സുമാരുടെ മോചനം ലോകത്ത് എല്ലാ രാജ്യങ്ങളിലും ചര്ച്ചയായി. ഇറാക്കി പട്ടാളക്കാരെ യാതൊരു ദയയുമില്ലാതെ ക്രൂരമായി വധിച്ച വിമതര് നഴ്സുമാരുടെ കാര്യത്തില് സ്വീകരിച്ച അച്ചടക്കം എല്ലാവരേയും അത്ഭുതപ്പെടുത്തി. മാനഭംഗ ശ്രമമോ അധിക്ഷേപമോ ഒന്നിനും മുതിരാത്ത ഈ സുന്നി വിമതരെ പലരും പുകഴ്ത്തി. സോഷ്യല് മീഡിയകളിലും ഇവര് ഭീകരരല്ലെന്ന കമന്റുകള്ക്കും പ്രാധാന്യം ലഭിച്ചു.
ഇതിനിടെ പ്രതിപക്ഷ നേതാവ് വിഎസ് അച്യുതാനന്ദന് ഇക്കാര്യം തുറന്ന് പറയുകയും ചെയ്തു. ഇറാഖില് നിന്നും മലയാളി നഴ്സുമാരെ നാട്ടിലെത്തിച്ച പട്ടാളക്കാരെ ഭീകരരെന്ന് അധിക്ഷേപിക്കരുതെന്ന് വി.എസ് അച്യുതാനന്ദന് പറഞ്ഞു. അവര് പോരാളികളായ പട്ടാളക്കാരാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha