ടി.പി വധം: സാക്ഷികള്‍ പ്രതിഭാഗത്തിന്റെ സ്വാധീനത്തില്‍: ഒരു സാക്ഷി കൂടി കൂറുമാറി
08 MARCH 2013 02:54 AM IST
മലയാളി വാര്‍ത്ത.
ടി.പി ചന്ദ്രശേഖരന്‍ വധക്കേസില്‍ ഒരു സാക്ഷി കൂടി കൂറുമാറി. ഇരുപത്തിയാറാം സാക്ഷി പി.വി.വിജേഷാണ്‌ കൂറുമാറിയത്‌.കോടതിയില്‍ പ്രതികള്‍ക്ക്‌ അനുകൂലമായി വിജേഷ്‌ മൊഴിനല്‍കി. പ്രതികളുടെ അഭിഭാഷകനൊപ്പമാണ്‌ ഇയാള്‍ കോടതിയില്‍ എത്തിയത്‌. സി.പി.എം കുന്നുമ്മക്കര ലോക്കല്‍ കമ്മിറ്റി അംഗം കെ.സി.രാമചന്ദ്രന്‍ പി മോഹനനെ വിളിച്ചത്‌ വിജേഷ്‌ എടുത്തു നല്‍കിയ സിം കാര്‍ഡ്‌ ഉപയോഗിച്ചായിരുന്നു. സി.പി.എം മുന്‍ ബ്രാഞ്ച്‌ കമ്മിറ്റി അംഗമായ വിജേഷ്‌ നേരത്തെ ഇക്കാര്യങ്ങള്‍ മജിസ്‌ട്രേറ്റിനു മുന്‍പില്‍ മൊഴിനല്‍കിയിരുന്നു. എന്നാല്‍ പോലീസ്‌ സമ്മര്‍ദ്ദം കാരണമാണ്‌ ആദ്യം പ്രതികള്‍ക്കെതിരെ മജിസ്‌ട്രേറ്റിനു മുന്‍പാകെ മൊഴിനല്‍കിയതെന്ന്‌ ഇയാള്‍ ഇന്ന് കോടതിയെ അറിയിച്ചു. കഴിഞ്ഞ ദിവസം ഒന്‍പതാം സാക്ഷിയായ ടി.കെ സുമേഷും കൂറുമാറിയിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
