പനിക്കുള്ള മരുന്നില്ല; നെയ്മര്ക്കുള്ള ചികിത്സ റെഡി... 3 ആഴ്ച ബ്രസീലിലും 30 ദിവസം കേരളത്തിലും പൊട്ടിക്കാനായി കോടികള്
നെയ്മറുടെ പരിക്കിന്റെ വിശദാംശങ്ങള് നെറ്റില് കണ്ടപ്പോള് ആയൂര്വേദം ഫലപ്രദമാണെന്നും അതിനാല് അതേറ്റടുത്തു എന്നുമാണ് മുഖ്യമന്ത്രിയുടെ ഓഫീസിന്റെ പ്രതികരണം. ഇതിന്റെ അടിസ്ഥാനത്തില് മുഖ്യമന്ത്രി ആയുര്വേദ വിദ്യാഭ്യാസ ഡയറക്ടറുടെ നേതൃത്വത്തിലുള്ള വിദഗ്ധ സംഘത്തിന്റെ അഭിപ്രായം തേടിയിരുന്നു. മൂക്കിന് തുമ്പത്തുള്ള പാവപ്പെട്ട രോഗികളെ കാണാനോ അവര്ക്കുള്ള അത്യാവശ്യ മരുന്നുകള് ലഭ്യമാക്കാനോ ആര്ക്കും സമയമില്ല. അപ്പോഴാണ് നെറ്റില് പരതി ആളും അര്ത്ഥവും എല്ലാമുള്ള ഒരു ലോകോത്തര കളിക്കാരന്റെ ചികിത്സയ്ക്കായി കോടികള് കളയാനുള്ള ശ്രമം. നെയ്മറിന് ചികിത്സ നല്കാമെന്ന് തിരുവനന്തപുരം ആയുര്വേദ കോളജ് അധികൃതര് മുഖ്യമന്ത്രിക്ക് റിപ്പോര്ട്ട് സമര്പ്പിച്ചു. മൂന്നാഴ്ച ബ്രസീലിലും 30 ദിവസം കേരളത്തിലും ചികിത്സ വേണ്ടിവരും എന്നാണ് പറയുന്നത്. അടുത്ത മന്ത്രിസഭായോഗം ഇക്കാര്യം ചര്ച്ച ചെയ്യും. 3 ആഴ്ച ബ്രസീലില് ചികിത്സയാകുമ്പോള് ഒരു സംഘം ഉദ്യോഗസ്ഥര്ക്കും ഡോക്ടര്മാര്ക്കും കുശാല്. ഇതിനുള്ള കോടികള് സര്ക്കാര് തന്നെ വഹിക്കും. അതായത് പാവപ്പെട്ടവന്റെ നികുതിപ്പണം കൊണ്ട് കുറേ പേര് സുഖിക്കും. ഒപ്പം മുഖ്യമന്ത്രിക്കും മന്ത്രിമാര്ക്കും നെയ്മറോടൊപ്പം നിന്ന് ഒരു ഫോട്ടോ, ഒരു പത്ര സമ്മേളനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha