മോദി സര്ക്കാരിന്റെ ആദ്യ പൊതു ബജറ്റ് ഇന്ന്
നരേന്ദ്ര മോദി സര്ക്കാരിന്റെ പ്രഥമ പൊതു ബജറ്റ് ഇന്ന് ധനമന്ത്രി അരുണ് ജയ്റ്റലി രാവിലെ 11 ന് ലോക്സഭയില് അവതരിപ്പിക്കും. ബജറ്റ് ആദായനികുതിദായകര്ക്ക് കാര്യമായ ഇളവുകള് നല്കുമെന്നു പരക്കെ പ്രതീക്ഷിക്കുന്നു. പതിനാറാം ലോക്സഭ ആദ്യം ചര്ച്ച ചെയ്ത വിഷയം വിലക്കയറ്റമാണ്. വിലക്കയറ്റം പിടിച്ചു നിര്ത്തുന്ന നടപടികള്ക്ക് ഊന്നല് നല്കികൊണ്ടായിരിക്കും ബജറ്റെന്നാണ് പ്രതീക്ഷിക്കുന്നത്.
സാമ്പത്തികരംഗത്തിന് ഉണര്വു നല്കാവുന്ന നയപരമായ മാറ്റങ്ങളും നിയമപരിഷ്ക്കാരങ്ങളും ബജറ്റില് പ്രഖ്യാപിക്കും. കേരളം വളരെ പ്രതീക്ഷയോടെയാണ് കേന്ദ്രബജറ്റിനെ നോക്കികാണുന്നത് . കേരളത്തിന് ഐഐടിയും എയിംസ് ആശുപത്രിയും ബജറ്റില് പ്രഖ്യാപിച്ചേക്കും. കൊച്ചി മെട്രോയ്ക്ക് കൂടുതല് തുക വകയിരുത്തുമെന്നും പ്രതീക്ഷിക്കുന്നു.
എയര് കേരളയാണ് കേരളം പ്രതീക്ഷയോടെ കാത്തിരുന്ന മറ്റൊരു പദ്ധതി. പ്രവാസികളുടെ കൂടി സഹകരണത്തോടെ കുറഞ്ഞ ചിലവില് ഗള്ഫ് യാത്ര സജ്ജീകരിക്കുകയാണ് ലക്ഷ്യം. കായംകുളം താപനിലയിത്തിന്റെ രണ്ടാം ഘട്ട നവീകരണത്തിന് കേന്ദ്ര ബജറ്റില് ധനസഹായമുണ്ടാകുമെന്നും കേരളം പ്രതീക്ഷിക്കുന്നു. കാലവര്ഷം ദുര്ബലമായത് പരിഗണിച്ച് കൃഷിക്കാര്ക്ക് ചില ആനുകൂല്യങ്ങള് നല്കാനിടയുണ്ട്.
https://www.facebook.com/Malayalivartha