ബംഗ്‌ളുരു സ്‌ഫോടനക്കേസില്‍ പിഡിപി നേതാവ്‌ അബ്‌ദുള്‍ നാസര്‍ മദനിക്കു ജാമ്യം. സുപ്രീം കോടതി ഉപാധികളോടെയാണ്‌ ഒരുമാസത്തെ ജാമ്യം അനുവദിച്ചത്‌. കേരളത്തിലേക്കു പോകരുത്‌, ആവശ്യമായ സുരക്ഷ കര്‍ണാടക പോലീസ്‌ ഏര്‍പ്പെടുത്തണം, മദനി സാക്ഷികളെ സ്വാധീനിക്കുന്നുണ്ടോ എന്ന്‌ സര്‍ക്കാര്‍ നിരീക്ഷിക്കണം തുടങ്ങിയവയാണ്‌ സുപ്രീം കോടതി മുന്നോട്ടുവച്ച ഉപാധികള്‍.
സ്വന്തം നിലയില്‍ ചികിത്സ തേടാന്‍ അടിയന്തരജാമ്യം അനുവദിക്കണമെന്നാവശ്യപ്പെട്ട്‌ മദനി നല്‌കിയ ഹര്‍ജി പരിഗണിച്ചാണ്‌ സുപ്രീം കോടതി ജാമ്യം അനുവദിച്ചത്‌. മദനിക്കു ജാമ്യം നല്‌കിയാല്‍ എന്തു സംഭവിക്കുമെന്ന്‌ സുപ്രീം കോടതി കര്‍ണാടക സര്‍ക്കാരിനോട്‌ ചോദ്യമുന്നയിച്ചിരുന്നു.
രാജ്യത്ത്‌ പലയിടങ്ങളിലും നടന്ന സ്‌ഫോടനങ്ങളില്‍ മദനിക്ക്‌ പങ്കുണ്ടെന്നാണ്‌ കര്‍ണാടക സര്‍ക്കാര്‍ സുപ്രീം കോടതിയില്‍ അറിയിച്ചത്‌. പുറത്തിറങ്ങിയാല്‍ മദനി സാക്ഷികളെ സ്വാധീനിക്കുമെന്നും സര്‍ക്കാര്‍ അറിയിച്ചു.
കര്‍ണാടക സര്‍ക്കാര്‍ തനിക്കു ചികിത്സ നിഷേധിക്കുകയാണെന്നായിരുന്നു മദനിയുടെ വാദം. തനിക്ക്‌ ചികിത്സ നല്‌കണമെന്ന സുപ്രീം കോടതിയുടെ ഉത്തരവ്‌ സര്‍ക്കാര്‍ പാലിക്കുന്നില്ലെന്നും സ്വന്തം നിലയ്‌ക്ക്‌ ചികിത്സ തേടാന്‍ ജാമ്യം അനുവദിക്കണമെന്നും കാട്ടിയാണ്‌ മദനി ഹര്‍ജി നല്‌കിയത്‌.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha