നരേന്ദ്ര മോഡി സര്‍ക്കാരിനെ ഭയമില്ലെന്ന്‌ ജയിലില്‍ നിന്നും പുറത്തിറങ്ങിയ അബ്‌ദുള്‍ നാസര്‍ മദനി പറഞ്ഞു. സര്‍ക്കാരിലല്ല കോടതിയിലാണ്‌ തനിക്ക്‌ വിശ്വാസമെന്നും മദനി പറഞ്ഞു. ജയിലില്‍ നിന്നും പുറത്തിറങ്ങിയ മദനി ഇപ്പോള്‍ ബാഗ്ലൂരിലെ സൗഖ്യ ആശുപത്രിയില്‍ ചികിത്സയിലാണ്‌.
ചികിത്സയ്‌ക്കായി ഒരു മാസത്തേക്കാണ്‌ മദനിക്ക്‌ സുപ്രീം കോടതി ജാമ്യം അനുവദിച്ചത്. നാലു വര്‍ഷത്തിനു ശേഷമാണ് മദനി ജയില്‍ മോചിതനാകുന്നത്. കടുത്ത ആരോഗ്യ പ്രശ്നങ്ങളുള്ള മഅദനിക്ക് സ്വന്തം ചെലവില്‍ ചികിത്സയ്ക്കായാണ് കോടതി ജാമ്യം അനുവദിച്ചത്. കനത്ത സുരക്ഷയിലാണ് അദ്ദേഹത്തെ ആശുപത്രിയിലേയ്ക്ക് മാറ്റിയിരിക്കുന്നത്. ആശുപത്രിയിലും പോലീസിന്റെ കര്‍ശന സുരക്ഷയുണ്ടാവും. തന്റെ നിരപരാധിത്വം തെളിയിക്കാന്‍ കഴിയുമെന്ന ഉറച്ച പ്രതീക്ഷയാണുള്ളതെന്ന് മദനി ജയിലിന് പുറത്ത് മാധ്യമപ്രവര്‍ത്തകരോട് പറഞ്ഞു. കാഴ്ച നഷ്ടപ്പെടുമ്പോഴും നീതിയുടെ വെളിച്ചം തനിക്ക് കിട്ടിതുടങ്ങിയിട്ടുണ്ട്. സുപ്രീം കോടതിയുടെ ജാമ്യ വ്യവസ്ഥകള്‍ പൂര്‍ണമായും പാലിക്കും. കേരളത്തിലേയ്ക്ക് തനിക്ക് വരാന്‍ ആഗ്രഹമുണ്ടെന്നും ഇത് പെട്ടന്ന് തന്നെ സാധിക്കുമെന്നാണ് പ്രതീക്ഷിക്കുന്നതെന്നും മഅദനി പറഞ്ഞു. ബാംഗളൂര്‍ വിട്ടുപോകരുതെന്ന കര്‍ശന നിര്‍ദേശമാണു സുപ്രീം കോടതി ജാമ്യത്തിനായി മുന്നോട്ടുവച്ചിരുന്ന പ്രധാന ഉപാധി. ഒരു ലക്ഷം രൂപ ജാമ്യത്തുകയായി കെട്ടിവയ്ക്കണമെന്നും കോടതി ഉത്തരവിട്ടിരുന്നു. ജാമ്യം ലഭിച്ചതിനു ശേഷം താമസിക്കുന്ന സ്ഥലത്തെ വിലാസം സര്‍ക്കാരിനെ അറിയിക്കണം. അബ്ദുല്‍ നാസര്‍ മദനിയ്ക്ക് നഗരത്തിലെ സ്വകാര്യ ഫ്ലാറ്റിലായിരിക്കും താമസ സൗകര്യം ഒരുക്കുക. അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha